1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

طالبانو له دولت سره خبرې اترې ونه منلې

طالبانو د افغان ولسمشر حامد کرزي د خبرو اترو وړانديز رد کړی دی. تر هغه وخته پورې چې بهرني ځواکونه په افغانستان کې وي او افغان دولت خپل واک ونه لري به د طالبانو د وياند قاري يوسف احمدي په وينا له دولت سره خبرې ونه شي.

د امريکې ولسمشر او د ملگرو ملتونو سر منشي د ښاغلي کرزي په وينا له خبرو څخه ملاتړ کوي

د امريکې ولسمشر او د ملگرو ملتونو سر منشي د ښاغلي کرزي په وينا له خبرو څخه ملاتړ کوي

ښاغلي کرزي د شنبې په ورځ طالبانو ته د خبرو اترو وړانديز کړی و او دې ته يې امادگي ښکاره کړې وه چې پخپله د طالبانو له مشر ملا عمر او د اسلامي گوند له مشر گلبدين حکمتيار سره ليدنه کتنه وکړي. کرزي زياته کړه چې د امريکې ولسمشر جورج بوش او د ملگرو ملتونو سر منشي بانکي مون د خبرو اترو ملاتړ کوي. دا په داسې حال کې ده چې په کابل کې د اونۍ په پای کې له تېرو شپږو کالونو راهيسې تر ټولو زوروره چاودنه وشوه او دېرش تنه په کې ووژل شول. د طالبانو لخوا يرغمل شوي څلور تنه د سره صليب کارکونکي بېرته خوشي شوي دي. نوموړي څلور تنه د وردگو په ولايت کې برمته شوي وو.