1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

طالبانو د خپلو بندیانو د خلاصیدو هر کلی کړی دی

افغان طالبانو له پاکستاني زندانانو څخه د طالب بندیانو د آزادولو هرکلی کړی دي. د افغانستان د سولې د عالي شوری د مشر صلاح الدین رباني په مشرۍ یو پلاوي پاکستان ته د سفر پر وخت د دغه هیواد چارواکو نهه طالب مشران له بند څخه آزاد کړي وو.

د طالبانو له خوا په خپره شوې بیانیه کې ویل شوي دي چې دغسې گامونه به د «دواړو هیوادونو تر منځ پر یو بل د اعتماد په ډیریدو کې مرسته وکړي.» په دغه خبرپاڼه کې زیاته شوې ده دغه یو ښه گام دی او او مونږ به (طالبان) د نورو بندي طالبانو د اآزادیدو غوښتنه وکړو. خو طالبانو د دغه بندیانو په راخلاصولو کې د افغان دولت نقش ته هیڅ کومه اشاره نه ده کړې. تیره ورځ د سولي د عالي شوری مشر په کابل کې یوه مطبوعاتي کنفرانس ته ویلي وو چې په دغه درې ورځني سفر کې یې د پام وړ لاس ته راوړنې لرلي دي.