1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

طالبانو د تاله و برفک ولسوالۍ پر مرکز برید کړی

ځايي چارواکو د چهارشنبې په ورځ وویل چې طالبانو د بغلان ولایت د تاله و برفک ولسوالۍ پر مرکز باندي برید کړی اوس په سیمه کې سخته جګړه روانه ده.

د بغلان د ولایتي شورا غړي حیات الله وفا، ویلي دي چې طالبانو د سه شنبې په ورځ سهار د لسو بجو په شاوخوا کې له ټولو اړخونو څخه د تاله و برفک ولسوالۍ پر مرکز باندي برید وکړ.

وفا ویلي دي چې د ولسوالۍ مرکز اوس هم د دولتي ځواکونو په لاس کې دی خو په سیمه کې سخته جګړه روانه ده.

د بغلان د ولایتي شورا یوه بل غړي اسدالله شهباز، بیا روښانه کړې ده چې اوس سیمه ته اضافي ځواکونه نزدې شوې دي چې طالبان بیرته پر شا کړي.

دغو دواړو چارواکو د نښتو له کبله د رامنځ ته شوې مرګ ژوبلې په اړه معلومات نه لرل. لا تر اوسه پورې طالبانو په دې اړه څه نه دي ویلي.

بغلان د افغانستان په شمال ختیځه برخه یو له هغو ولایتونو څخه ده چې طالبان پکښې حضور لري او وخت نا وخت د دې ولایت د ولسوالیو پر مرکزونو باندي بریدونه کوي.