1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

شکیل افریدي په دیرش کالو بند محکوم شو

ډاكټر شكيل افريدي په دېرشو كالونو بند او د ۳۲۰ زرو روپيو جرماني په ورکولو محکوم کړ. پر هغه باندې د غداري کولو تور لگول شوی دئ.

پر ډاكتر شكيل افريدي باندې متحده ایالاتو ته د جاسوسي کولو تور لگول شوی دئ. پاکستاني چارواکو ویلي دي چې د ډاکتر شکیل افریدي ټول بانکي حسابونه هم کنگل شوي دي.

ډاکټر شکيل افريدي د پاکستان په ایبټ اباد کې ژوند کاوه. امریکايي ځواکونو تیر کال په همدې سیمه کې د القاعدي د ډلې مشر اسامه بن لادن، وواژه.



امریکا د اسامه بن لادن د وژلو د عملیاتو په اړه پاکستان ته خبر نه وو ورکړی. پاکستاني چارواکي د دې عملیاتو تر ختمیدو وروسته له موضوع څخه خبر شول. کله چې امریکايي ځواکونو اسامه بن لادن وواژه او د هغه مړۍ ئې له ځان سره یووړ، د پاکستان استخبارتي سازمان سیمې ته راورسید او پلټنې ئې پیل کړي. د پاکستان استخباراتي ادارې تر پلټنو وروسته ډاکټر شکیل د غداري په تور ونیوه.

د پاکستان استخباراتي اداره پر ډاکتر شکیل افریدي باندې تور لگوي چې د واكسين په پلمه ئې د اسامه بن لادن د کور د اوسیدونکو DNA تر لاسه کرې ده او هغه ئې متحده ایالاتو ته ورکړې ده.

ویل کیږي چې امریکا بیا د همدې DNA په مرسته په ایبټ آباد کې د اسامه بن لادن شتون تثبیت کړی دئ. امریکایي چارواکو هم منلې ده چې ډاکټر شکیل له دوی سره د اسامه بن لادن په موندلو کې مرسته کړې وه.

د امريکا د متحده ایالاتو د دفاع وزير ليون پنیتا، هم د ډاکتر شکیل د امنیت په اړه اندیښنه څرکنده کړې ده. هغه هم منلې ده چې دغه ډاکټر له امریکا سره د اسامه بن لادن په موندلو کې مرسته کړې وه.

حبیب تأثیر/ پیښور
کتونکی: مسعود جهش