«شمکن تونسی ترهګر به ډیر ژر له آلمان څخه اخراج شي» | اروپا ته مهاجرت | DW | 13.03.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

«شمکن تونسی ترهګر به ډیر ژر له آلمان څخه اخراج شي»

د تونس په «باردو موزیم» کې تر ترهګریز برید دوه کاله وروسته، یو تونسی مهاجر به په دغه برید کې د لاس درلودلو په شک له آلمان څخه بیرته دغه شمالي افریقایې هیواد ته واستول شي. د دغه برید په پایله کې شل تنه وژل شوي ول.

پر دغه ۳۶ کلن تونسي مهاجر تور لګول کیږي چې په آلمان کې یې هم د «اسلامي دولت» ترورستي ډلې په خدمت کې د ترهګریزو بریدونو له پاره امادګي نیولی. دغه تونسي مهاجر له همدې امله د روان کال د فبرورۍ میاشتې راهیسې د هِسن ایالت په تحقیقي حبس کې تر پوښتنو او ګرویږدنو لاندی نیول شوی.

د هِسن ایالت عمومي څارنوال الکساندر بادله، د دوشنبې په ورځ د دغې پيښې په اړه د وضاحت ورکولو په ترڅ کې وویل: مخکې له اخراج څخه اوس باید په آلمان کې له هغه څخه د تحقیقاتو لړۍ بنده او د بندي کیدو امر لغوه شي او دغه موضوع به تر بررسۍ لاندې ونیول شي.

نوموړی کس پر ده د لګیدلو تورونو په اړه له څه ویلو څخه ډډه کړی. د تروریستي بریدونو له پاره د امادګۍ د څيړنو په جریان کې ۱۵ تنه نور هم تورن ګڼل شوي دي. عمومي څارنوال بادله، زیاته کړه له همدې امله د بررسۍ جریان دوام پیدا کوي.

د آلمان د کورنیو چارو وزیر توماس دیمیزیر د یکشنیې په ورځ د آلمان دولتي تلویزوني شبکې «ARD» ته وویل چې هغه د دغه شکمن کس پر چټک اخراج حساب کوي. د دغه شکمن مهاجر په اړه، تونسي ادارو ته د دوی د اړتیا وړ اسناد د پنجشنبې په ورځ رسیدلي دي.

دغه تونسی طبعه په ۲۰۰۳ م کال کې د محصلې له ویزې سره آلمان ته راغلی وو. هغه له یوې آلمانۍ ښځې سره تر واده وروسته، په آلمان کې د دایمي استوګنې ویزه ترلاسه کړه.

لکه څرنګه چې په پيل کې دغه شکمن کس د پرله پسې غوښتنې سربیره اړین اسناد د چارواکو په اختیار کې ورکړي نه وو، له همدې امله د ۲۰۱۶ کال په نومبر میاشت کې په موقتي توګه له زندان څخه خوشي او د پولیسو تر څار لاندې نیول شوی وو.

پر ورته موضوع یو انځوريز البوم زموږ له آرشيف څخه (23.12.2016):

 

DW.COM