1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

شتروک: د آلمان پارلمان بايد د تورنادو الوتکو د مسئلې په هکله پرېکړه وکړي

د آلمان د سوسيال دموکرات گوند سياستوال پېتر شتروک په دې نظر دی چې په افغانستان کې د آلمان د کشافي الوتکو کارول به ښايي چې نيم کال دوام وکړي. ځکه بايد د شتروک په اند د آلمان پارلمان په دې اړه پرېکړه وکړي.

پېتر شتروک د آلمان د دفاعي چارو پخوانی وزير دی

پېتر شتروک د آلمان د دفاعي چارو پخوانی وزير دی

شتروک دې ته اشاره وکړه چې ده په پارلمان کې په دې اړه د تصميم نيولو او رايگيرۍ وړانديز کړی دی. شتروک زياته کړه چې «دا د هر چا د ضمير او وجدان پورې تړلې پرېکړه ده«. پېتر شتروک د آلمان د دفاعي چارو پخوانی وزير هم دی، ده وويل چې د آلمان پوځ به ښايي چې يو څو کالونه لا په افغانستان کې پاتې شي.