1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

سږکال ۲۳۰۰ انساني قاچقچیان نیول شوي

په آلمان کې د انساني قاچاق اړوند جرمونه د تیرکال په پرتله څلویښت سلنه زیاته شوي دي. د چارواکو د وینا له مخې د مهاجرو قاچاقچیان اکثرا له هنگري (۲۵۶)، رومانیا (۲۰۷)، سورېې (۱۸۴)، بلغاریا (۱۱۶) او صربستان (۱۱۳) څخه دي

په مختلفو نقلیه وسیالو کې مهاجرین قاچاق کیږي

په مختلفو نقلیه وسیالو کې مهاجرین قاچاق کیږي

آلماني او اروپايي ادارې غواړي د دغو جرایمنو پرضد پراخ عملیات پیل کړي. د جنوري له پیل څخه تر اوسه ۲۳۰۰ قاچقچیان نیول شوي دي.

د آلماني ورځپاڼې «بیلد ام زونتگ» د یو رپوټ له مخې د ۲۰۱۴ کال په پرتله سږکال ډیر زیات په انساني قاچاق تورن کسان نیول شوي دي. هغې ورځپاڼې د کورنیو چارو د وزارت په حواله وویل چې د سپتمبر تراتمې پورې ۲۳۳۶ انساني قاچاقچیان نیول شوي دي.

د یو زیات شمیر انساني قاچاقچیانو نیولو ته په کتو سره د آلمان د کورنیو چارو وزیر، توماس دیمیزیر غوښتنه کړې دهچې د سازمان شوو جرایمو پر ضد باید په هر اړخیزه توگه مبارزه وشي. دیمیزیر نوموړې ورځپانې ته وویل: «په اتریش کې په یو یخچال لرونکي لارې موټر کې د انسانانو د خفه کیدو د غمجنې پیښې څخه وروسته باید دا ټولو ته روښانه شوې وي چې دغه قاچاقبران په یو ډيرغیرانساني ډول د انسانانو د ژوند په قیمت تجارت کوي او له دې لارې پیسې گټي.»

په دغې یخچال لارې کې د ۷۱ مړه شوو مهاجرو په جمله کې څلور ماشومان هم شامل ؤ

په دغې یخچال لارې کې د ۷۱ مړه شوو مهاجرو په جمله کې څلور ماشومان هم شامل ؤ

په نوموړې یخچال لارې کې ۷۱ مهاجر د هوا د کموالي له امله مړه وموندل شول. د کورنیو چارو وزیر یادونه وکړه: « د دی لپاره چې د داسی پیښو اصلي عاملین حساب او کتاب ته کش کړاي شي او د هغوی د دا ډول غیرانساني اعمالو ته د پای ټکې کيښودل شي» باید له هیڅ ډول هڅي څخه سپما ونه شي.

دغه راز د آلمان د مسیحي سوسیال اتحاد (CSU) عمومي منشي، اندریاز شایر دغې موضوع ته په اشارې سره وویل:«هغه څوک چې انسانان په لارېو کې پټوي او په قاچاقي توگه یی لیږدوي، باید له قانون سره سم سخته سزا وويني.» هغه یادونه وکړه:«هغوي په حقیت کې ډله ایز قاتلین دي!» د آلمان د باوریا د ایالت د فریونگ د سیمې فدرالي پولیسو د وینا له مخې په دې شپو او ورځو کې کابو هر ورځ د پنځو تر لسو پورې د مهاجرو قاچاقچیان نیول کیږي.

«د اړو خلکو د ژوند په بیه په ملیونو گټي»

سربیره پر دې نړیوال پولیس «انترپول» او اروپايی پولیس «ایروپول» د انساني قاچاقچیانو پر ضد یی د یوې پراخې مبارزې لپاره غږ کړی دی. د فرانسې د لیون په ښار کې «انترپول» خبر ورکوي چې دعه دواړه نړیوالې ادارې اوس د مهاجرو د اصلی هیوادونو، ترانزيت او د هغو هیوادونو چې مهاجر ورته د رسیدو هدف لري، د لوړ پوړو پولیسي چارواکو د یوې سرمشریزې لپاره تیاری نیسي. د انترپول رئیس، یورگن ستوک وویل چې «جنايي مجرمینو د هغو انسانانو چې له جگړو، شخړو او غربت څخه په تیښته کې دي، د ژوند په قیمت په ملیونونو گټې ترلاسه کوي.» دغه غیر قانوني پیسې بیا په اختلاس او اداري فساد او په نړیوالو جرایمو کې په کار لویږي.

د ایروپول رئیس، روب واینرایت وویل چې اړوند چارواکي د هغو بیرحمو جنایت کارو ډلو په وړاندې قرار لري چې د خپل غیرانساني کاروبار لپاره له پرمختلو او نوو وسایلو لکه ټولنیزو میدیاو څخه استفاده کوي. د اروپايی پولیسو دغه چارواکي وویل چې مهمه دا ده چې غړي هیوادونه په خپلو منیځو کې معلوماتي تبادلې پراخې کړي.