1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

سوریه د اسلامي هیوادونو د غونډې اصلي موضوع ده

د اسلامی هیوادونو مشران به د قاهرې په غونډه کې د خبرو اترو له لارې د سورې د کړکیچ د حلیدو غوښتنه وکړي. د دغې غونډې په نورو موضوعګانو کې اسلامي افراطیت او د مالي هیواد شخړه شامله ده.

Egyptian President Mohamed Mursi (centre R), meets with Iran's President Mahmoud Ahmadinejad after he arrives at International Airport in Cairo in this photo provided by Egyptian Presidency on February 5, 2013. Ahmadinejad arrived in Egypt on Tuesday on the first trip by an Iranian head of state since the 1979 revolution, underlining the thaw in relations since Egyptians elected an Islamist head of state. REUTERS/Egyptian Presidency/Handout (EGYPT - Tags: POLITICS) ATTENTION EDITORS - THIS IMAGE WAS PROVIDED BY A THIRD PARTY. FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS PICTURE IS DISTRIBUTED EXACTLY AS RECEIVED BY REUTERS, AS A SERVICE TO CLIENTS

Ahmadinedschad und Mursi in Kairo 05.02.2013

یوه لبناني تلویزیون ویلي دي چې د اسلامي هیوادونو مشران به په مصر کې د جوړې شوې غونډې له لارې د بشارالاسد پر رژیم فشار راوړي چې له خپلو مخالفینو سره خبرې اترې وکړي. دغه غونډه د چهار شنبې په ورځ پیل شوې ده.

د رویترز خبري آژانس ویلي دي چې د اسلامي همکاریو سازمان د غړو هیوادونو د بهرنیو چارو وزارنو د سه شنبې په ورځ د یوې اعلامیې لومړنۍ بڼه لاسلیک کړې ده چې په کې پرته له دې چې د بشارالاسد نوم ذکر شي، د سوریې د ډیر تاوتریخوالي پړه د دغه هیواد پر رژیم باندې اچول شوې ده.

د رویترز په حواله د اعلامیې په لومړنی بڼه کې راغلي دي چې «د سوریې چارواکو د عام وژنې له ‎پاره چمتوالی نیولی دی.» دا لا معلومه نه ده چې د ایران ولسمشر به له دغې اعلامیې څخه ملاتړ وکړي او که نه.

تر دې مخکې د سوریې د مخالفینو مشر ویلي وو چې هغه چمتو دی چې د اسد له مرستیال سره وویني. هغه د خپل دې کار له پاره د اسد له خو د ۱۶۰ زره بندیانو د آزادیدو غوښتنه کړې وه.

دا په داسې حال کې ده چې د اسد د رژیم چارواکو د سوریې د مخالفینو له خوا ټاکل شوي شرطونه رد کړي دي او ویلي یې دي چې دغه شان وړاندېزونه باید د خبرو اترو په پایله کې وشي، نه د خبرو تر پیلیدو مخکي.

د سوریې په اړه د اسلامي هیوادونو په غونډه کې د ایران ولسمشر محمود احمدي نژاد، هم ګډون کړی دی. دا په تیرو ۳۰ کلونو کې مصر ته د یوه ایراني حکومتي مشر لومړنۍ سفر دی.

ایران د سوریې د رژیم له نزدې ملګرو څخه بلل کیږي. پر ایران سربیره چین او روسیه هم له بشارالاسد سره نزدې اړیکې لري او د ملګرو ملتونو د امنیت په شورا کې یې د هغه د رژیم پر ضد د اعلامیو مخه نیولې ده. دا په داسې حال کې ده چې عربي نړۍ پر اسد باندې د تاوتریخوالي تورونه لګوي او د هغه د مخالفینو ملاتړ کوي.

د مصر ولسمشر محمد مرسي، پخپله د ایران د ولسمشر د هرکلي له پاره هوایي ډګر ته تللی وو. د تهران او قاهرې تر منځ اړیکې په ایران کې د ۱۹۷۹ کال تر انقلاب وروسته خړې شوې.