1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

سوریايي مهاجرو سره ښایي د کورنیو ۵۰ زره غړي یو ځای سي

آلمان باید په راتلونکي کال کي د کورنیو د یوځای کیدو په چوکاټ کي د سلگونو سوریايي مهاجرو راتگ ته ځان تیار کړي. هغوی کیدلای سي، میرمن یا میړه، اولادونه او یا د نابالغه سوریايي مهاجرو والدین وي. (انځور له آرشیف څخه)

دغه اټکل د آلمان د مهاجرينو او کډوالو فدرالي ادارې (BAMF) د ۲۰۱۵ م کال په خپل کلني رپوټ کي کړی دی، چی د آلمانۍ ورځپاڼي «زوید دویچه څایتونگ» ته د چهارشنبې په ورځ وړاندې شوی دی.
ددغي ادارې د معلوماتو پراساس په ۲۰۱۵ م کال کې آلمان ته ۴۲۸۰۰۰ سوریايي مهاجرین راغلي دي او د سږکال په لومړیو پنځو میاشتو کي بیا ۷۲۰۰۰ تنه. د هغه مطابق د څه ناڅه ۵۰۰۰۰۰ نورو سوریايي مهاجرو د راتگ اټکل کیږي.
ډیر شمیر سوریايي مهاجر په گاونډیو هیوادونو کې په کمپونو کې ژوند کوي

ډیر شمیر سوریايي مهاجر په گاونډیو هیوادونو کې په کمپونو کې ژوند کوي


څرنگه چي د پناه غوښتني د نوو مقرراتو پر اساس دلته قبول سوي مهاجر تر دوو کلونو پوري نه سي کولای خپل خپلوان راولي، نو ځکه د ډیرو کسانو د راتگ امکان هم نه سته. دا د مهاجرينو او کډوالو فدرالي ادارې د پخوانیو اټکلونو خلاف پرمختگ دی، چي ویلي یې ول د کورنیو د یوځای کیدو په چوکاټ کي به آلمان ته د هغوی درې او یا څلور برابره خپلوان راسي.