1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

سلوانیا مهاجرو ته قوانین نور هم سخت کړل

سلوانیا د پناه غوښتنې یو سخت قانون تصویب کړ. په راتلونکي وخت کې د دغه هیواد پولیس یو پناه غوښتونکی له سرحده بیرته ستنولی شي او هر هغه کس بیرته استولای شي چې په ناقانونه توگه دغه هیواد ته ورغلي وي.

په پلازمینه لیوبلیانا کې پارلمان د دغه تصویب په پلویتوب ۴۷ او په مخالفت کې ۱۸ رایې وکارولې. په قانون کې دغه سختوالی د یوه مخکني گام په توگه اخیستل شوی که احتمالا چیري په اصطلاح د بالقان پر لاره باندي بیا د مهاجرو هجوم ډیر شي او یا هم د دغه هیواد «عامه نظم او داخلي امنیت» له خطر سره مخامخ شي.

د مخنیوي اقدامات د یوه ټاکلي وخت له پاره

د دغه د صدراعظم په خبره په یوه بحراني حالت کې اوس حکومت له پارلمان څخه غوښتلی شي چې قوانین تطبیق کړي او پوله لږ تر لږه د شپږو میاشتو له پاره وتړي.

د بشري حقونو ډلو له لوري انتقادونه

د دغې پریکړې په هکله د بشري حقونو ډلو سختې نیوکې کړي دي. د بخښنې نړیوال سازمان یا ایمنسټي انټرنیشنل ویلي دي چې دغه قانون له مهاجرو څخه نړیوال او د اروپایي اتحادیې د خونديتوب حق اخلي. ایمنسټي انټرنیشنل یادونه کړې ده چې دغه نوی قانون «په سلوانیا کې د بشري حقونو له پاره یو جدي پر شاتگ دی.»

د بخښنې نړیوال سازمان په وینا د دغه هیواد له لوري د «بې اسرې خلکو» پر وړاندې د پولو تړل او «نړیوالو مکلیفتونو ته شا اړول» هغه نامناسبو لارو چارو ته ورته دي چې گاونډیو هیوادونو هنگري او اتریش خپلې کړي دي.

سلوانیا د بالقان لارې په اوږدو کې پرته ده، پر کومه چې له ۲۰۱۵م کال راهیسې په سونو زره پناه غوښتونکي اروپا ته راغلي دي. دغه لاره د تیر میلادي کال په مارچ میاشتې کې د دغې لارې په اوږدو کې د پرتو هیوادونو له لوري د پناه غوښتونکو پر وړاندي وتړل شوه. اوس د دغې لارې ډیر کم شمیر پناه غوښتونکي د انساني قاچاق وړونکو په مرسته سفر کوي.

د بالقان حوزې دغه کوچنی هیواد چې د شینگن حوزې ۶۷۰ کیلومتره بهرنۍ پوله کنترولوي په ۲۰۱۵م کال کې وروسته له هغې د پناه غوښتونکي په اصلي ترانزیت ځای باندې واوښت چې هنگري خپله پوله د مهاجرو پر وړاندې وتړله. دغه هیواد چې دوه میلیونه نفوس لري د رسمي ارقامو له مخې پکښې ۲۶۷ مهاجر ژوند کوي.

نور مطالب:

DW.COM