1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

ستارباکس په اروپا کې ۲۵۰۰ مهاجر په کار ګوماري

د ستارباکس په نوم د قهوې پلورنځای څانګې په نړۍ کې د خپل ډول تر ټولو لوې شرکت دی. نوموړی شرکت په پام کې لري چې په مختلفو اروپایې هیوادونو کې ۲۵۰۰ مهاجر په خپلو نمایندګیو کې استخدام کړي.

د دغه لوی نړیوال شرکت ادارې د سه شنبې په ورځ (د جون میاشتې ۲۰) اعلان وکړ چې په راتلونکو پیځو کلونو کې به ۲۵۰۰ تنه مهاجرو ته د دغه شرکت په نمایندګیو کې کار وکړي.

د دغې لویې کمپنۍ د معلوماتو پر بنسټ دغه شمیر کارګر مهاجر په اروپا کې د «ستارباکس» د کارمندانو د مجموعي شمیرې چې ۳۰ زره تنه دی، ۸ سلنه برخه تشکیلوي.

ټاکل شوی ده چې د کارګرانو دغه نوې ګمارني به په اتو اروپایې هیوادونو کې د هغو له جملې څخه آلمان، اتريش، سويس، هالند، فرانسه، لویه بریتانیا، هسپانیا او پورتګال کې ترسره شي.

دغه پروژه د نوموړي نړیوال شرکت د کاري فرصتونو د رامنځته کونې طرحې یوه برخه ده. د یادې طرحې له مخې د نړۍ په ۷۵ هیوادونو کې ۱۰ زره مهاجر باید د ستارباکس د قهوې په پلونځایونو کې د کار تړون ترلاسه کړي.

نوموړي شرکت د روان کال د جنوري په میاشت کې اعلان کړی وو چې په خپلو نمایندګیو کې به یو شمیر مهاجرو ته د کار زمينه مساعده کړي.

ستارباکس د خپل دې اقدام له امله په انټرنټي او ټولنیزو شبکو کې له اعتراضونو او حتی د بندیزونو له ګواښونو سره مخامخ شوی دی.

 

DW.COM