1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

روسیه او ناټو د افغانستان د امنیت په اړه خبرې کوي

د روسیې او ناټو استازې نن د پنجشنبې په ورځ د نورو موضوعګانو تر څنګ د افغانستان په اړه بحث کوي چې د نظر اختلافات له منځه ولاړ شي. خبري اتري په بروکسل کې دي.

د ناټو عمومي منشي ینس ستولتنبرګ، په یوې بیانیه کې ویلي دي چې د روسیې- ناټو شورا به د پنجشنبې په ورځ په بروکسل کې سره غونډه وکړه.

تر دې مخکې دغه خبري اتري د اوکراین پر سر شخړي له کبله ځنډیدلې وې. د ناټو ویاندې اونا لونګیسکاو، ویلي دي چې د پنجشنبې ورځې په غونډه کې به د نورو تر څنګ د اوکراین د وضعیت او همداراز د افغانستان د امنیت په اړه خبري وشي.

هغې ویلي دي چې که څه هم د ناټو او روسیې تر منځ عملي همکاري اوس هم د اوکراین د شخړې له کبلې د «ځنډ په حالت» کې ده، خو ناټو بیا هم د دیالوګ چاینلونه پرانیستي ساتي.

تر دې مخکې د ناټو د بهرنیو چارو وزیرانو د امریکا متحده ایالاتو د بهرنیو چارو له نوي وزیر سره د تیرې جمعې په ورځ وکتل او د نورو موضوعګانو تر څنګ یې، د اوکراین د شخړې په اړه خبرې اترې وکړې.