1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

رسنې: پاریس او برلین غواړي یو وارې بیا خپلې پولې کنټرول کړي

د رسنیو د یوه راپور له مخې د شینګن د تړون د نوو قواعدو په سر جګړه لا پسې پراخه شوې ده. المان او فرانسه غواړي چې په هغه صورت کې چې د اروپا جنوبي او لویدیځې پولې لا پسې غوندي نه شي د غیرې قانوني مهاجرینو د راتلو د ویرې یو وارې بیا د خپلو پولو په کنټرولولو لاس پورې کړي.

د المان د "Süddeutsche Zeitung“ په نامه ورځپاڼې د دغه خبر سرچینه د المان د کورنیو چارو وزیر هنس پیټر فریډرش او د نوموړي فرانسوي سیال کلوډ جیناډ تر منځ یو لیک ښودلی دئ.

وزیرانو غوښتنه کړې ده چې حکومتونه باید دا امکان ولري چې په یوه میاشت کې بیرته د خپلو پولو په کنټرولو لاس پورې کړي.

په دې وړاندیز به د راتلونکې پنجشنبې په ورځ په لوګزمبورګ کې د اروپايي ټولنې د بهرنیو چارو د وزیرانو په غونډه کې بحث وشي.