1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

راپور: د کارگرو دپاره، امريکا تر ټولو خطرناکه ده

د شارون بوروف سازمان د کار د بين المللي ورځي د سلمي کاليزي په وياړ په يو رپوټ کي ليکي چي، د کارګري اتحاديو د فعالينو دپاره د امريکا لويه وچه تر ټولو خطرناکه سيمه بلل کيږي.

کارگران تقريباً په ټوله نړۍ کي له خطر سره مخامخ وي

کارگران تقريباً په ټوله نړۍ کي له خطر سره مخامخ وي

د کار د نړيوالي ورځي په وياړ په خپاره سوې راپور کي راغلي چي، د تېر کال په جريان کي يوازي په کولمبيا کي په دې اړه ۴۹ پېښي ثبت سوي دي. سربېره پر دې په برازيل ، هاندوراس او السلوادور کي هم کارګران د خپلو حقوقو د پوهېدو له کبله خپل ژوند د لاسه ورکوي.

هغه ښځي چي په ګواتيمالا، مکسيکو او هايتي کي د کارګري اتحاديو غړي دي تل د مرګ په وسيله تهديديږي او په نورو ځايونو کي د وهلو ټکولو او شکنجې لاندي راځي او يا هم د کاره څخه برطرفه کيږي. په امريکا کي د کارګري اتحاديو ۷۵ غړي وژل سوي دي.

د آسيا څخه بيا رپوټ ورکول کيږي چي څه دپاسه زرتنه زندان ته اچول سوي دي. د ۲۰۱۰ ميلادي کال په جريان کي په آسيايي هيوادونو کي هم زياتره کسان تهديد او يا وژل سوي دي. ځيني وخت د هغوی د کار شرايط دومره غير انساني وي چي کارګران مجبوره سي، خپل ځانونه ووژني.

د چين څخه د ځان وژني د ډېرو ناوړو پېښو څخه خبر ورکړل سوي دي. او د هند په هيواد کي په خاص ډول د پوشاک د توليد په کارخانو کي زياتره کارګران د سختو وهلو ټکولو سره مخامخ دي.

د کارګري تصديو بين المللي سازمان خبر ورکوي چي د کارګري اتحاديو هغو فعالينو چي په پاکستان کي يې د خپلو حقوقو د ترلاسه کولو دپاره مبارزه کوله ، تښتول سوي او شکنجه سوي دي.

په منځني ختيځ کي بيا د کار د بين المللي مقررراتو څخه سرغړونه کيږي. هغه مهاجر کارګران او خدمتګاران چي په کورونو کي کار کوي ، ډېر ځورول کيږي او يا د هغوي څخه ناوړه استفاده کيږي. دوي کوم قانوني ملاتړ هم نه لري.

په بحرين ،عراق، اردن، کويټ، عمان، قطر سوريه او يمن کي بيا کارګري اتحاديې د دولت تر څارني لاندي دي. په دغه رپوټ کي راغلي چي په ايران ، سعودي عربستان او عربي متحده اماراتو کي خو دداسي کارګري اتحاديو جوړول حتي امکان نه لري.

همدارنګه د کارګري تصديو بين المللي سازمان شکايت لري چي په زياتره اروپايي هيوادونو کي هم د کارګري اتحاديو او حکومتونو تر منځ په اجتماعي سطحه خبري اتري نه تر سره کيږي.

گل غوټۍ پوپل

کتونکی: نجيب الله زيارمل

DW.COM