1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

راپور:بلوچستان کي د بشري حقونوڅخه سرغړونه کيږي

د بشري حقونو د څار نړيواله ټولنه وايي، چي په پاکستان کي د شکمنو ترهګرو او سياسي فعالينو سره امنيتي کړۍ ډير ناوړه چلند کوي او هغوی يې سخت په تکليف کړي دي.

«د وهلو ټکولو او تشدد په دغه طريقو هر څه شامل دي.»

«د وهلو ټکولو او تشدد په دغه طريقو هر څه شامل دي.»

دغه ټولنه په خپل وروستي راپور کي، د ورکو کسانو د سلو کورنيو د غړيو سره د مرکو او د فعالينو او عايني شاهدانو پر بنسټ جوړ سوی دی.

دغه راپور چي « موږ تشدد، وژل او يا څو کاله په بند کي ساتلا سو» په نوم خپور سوی. دغه راپور کاږي هغه پاکستان چارواکي چي په داسي پيښو کي ککړدي هيڅکله هم د پيښي د روښانه کولو او هم د هغې علت نه په ګوته کوي.

راپور د يو بندي، چي تازه را خوشي سوي په حواله ليکي چي هر ورځ سهار او ماښام به د يوه څخه تر دوو ساعتو پوري وهل کيدی.

په راپور کي راغلي چي بېله استثنا څخه د هغه کسانو کورنيو چي په بند کي ساتل سوي د غيري انساني چلند په اړه کيسې وکړي.

د وهلو ټکولو او تشدد په دغه طريقو کي د وهلو، چي « ډيری وخت په دره او يا هم په کوتک سره تر سره کيږي» د بنديانو د سر کښته زړولو، او د ډيري مودې لوږه او ويښ ساتل شامل دي.

د دغه تشدد زياتره قربانيان د بلوچستان نيشليسټان دي، چي دولت شک کوي، چي ګواکي دوی په اورپکو اوړي. د پاکستان تر ټولو لوی ايالت بلوچستان ته دولت دومره توجه نه کوي.

د بشري حقونو د څار نړيواله ټولني راپور کاږي، چي لږ تر لږه په بلوچستان کي د ۱۵۰ تنو د وژلو داسي پيښي ثبت سوي، چي پکښي د بشري حقونو څخه په بشپړه توګه سرغړوني سوي دي.

د دغسي ډيرو وژنو پړه د پاکستان پر امنيتي ځواکونو اچول کيږي. د پاکستان د بلوچستان په ايالت کي د زور زياتيو پيښو د ۲۰۰۵م کال راهيسي ډير زور اخيستی. د دغه پيښو په نتيجه کي په ۲۰۰۵ او ۲۰۰۶م کلونو کي د هغه وخت د پاکستان ولسمشر پرويز مشرف باندي په سيمي کي د سفر پر وخت د ترور حملې وسوې.

ډيری څيړونکي او ځايي خلک په دې آند دي، چي په ۲۰۰۶م کال کي د بلوچستان د وتلي قومي مشر نواب اکبر بګټي او د هغه د نږدې ۳۵ تنو ترور اود ۲۰۰۹م کال د اپريل په مياشت کي د بلوچستان د درو مخورو سياسي مشرانو په وژنه کي د پاکستان د پوځ لاس وو.

د دې پوښتني په جواب کي چي ولي د پاکستان دولت دغو تيريو ته کوم عکس العمل ونه ښود؟ د هيومن رايټس واچ د آسيا مشر براد آدم وايي.« د پاکستان دولت د خپل پوځ د زور څخه ويريږي.»

آژانسونه/ سيد رياض

کتونکی: نجيب الله زيارمل

DW.COM