1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د Sandy په نوم طوفان په نیویارک کې ژوند په ټپه درولی دی

د سېندي (Sandy) په نوم طوفان د متحده ایالاتو د ختيځ په ساحلي سیمو کې ژوند په ټپه درولی دی. د نیویارک په ښار کې تیر ماښام د نوموړي طوفان د ویرې له امله د موټرو تگ راتگ له نشت سره برابر وو. د نیویارک ښار چې په کې میلیونونه انسانان ژوند کوي له ۴۰۰ زره خلکو څخه غوښتل شوي، چې خپل کورونه پریږدي.

د دغه طوفان له امله په متحده ایالاتو کې د ولسمشرۍ د ټاکنو کمپاین هم اغیزمن شوی دی. زیاته شوې ده چې شاوخوا ۵۰۰۰ پروازونه لغوه شوي دي، چې په هغې کې د المان څخه هم پروازونه شامل دي. پر دې سربیره د اورگاډو تگ راتگ هم درول شوی دی. په تیرو څو ورځو کې د دغه طوفان له امله په کارابین کې شاخوا ۶۰ کسانو خپل ژوند له لاسه ورکړی دی.