1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د کندهار په ښار کي سختي حملي شوي دي

له کندهار څخه رسيدلي رپوټونه وايي چي طالب ياغيانو د کندهار په ښار کي په يو لړ پراخو بريدونو لاس پوري کړی دی. د مرګ ژوبلو دقيق شمير تر اوسه پوري معلوم نه دي. په يو خبر کي دومره ويل شوي دي چي لږ تر لږه 14 تنه ټپيان شوي.

default

اورپکو چي په ټوپکو او توغنيدو سمبال ؤ د ولايت په مقر يي بريد وکړ. په دغو حملو کي د رپوټونو له مخي 6 ځانمرګي بريد کونکو برخه اخيستي ده. د عيني شاهدانو د وينا له مخي حمله د افغانستان په وخت له غرمي وروسته د يوي بجي په شا او خوا کي پيل شوه.

وسلوالو کسانو د کندهار د دولتي امنيت مقر ته نژدي په لومړي سر کي يو هوتل اشغال کړ، په عين وخت کي ځانمرګي بريد کونکو د ښار په جنوب کي د پوليسو په دو ماموريتونو يي حمله وکړه. د کندهار امنیتی چارواکو وويل، خو هغوي مخکي له دي چي خپل هدف ته ځان ورسوي وويشتل شول.

د نښتو په دغو اړو دوړ کي د فرانس پرس د خبري آژآنس يو خبريال وويل : کله چي امبولانسونو ټپيان د نښتو له صحني څخه ايستل، ډزي رد اوبدل کيدلي. په ټپيانو کي دري تنه پوليس هم شامل دي.

د کندهار د والي وياند زلمي ايوبي وويل : « د کوچنيو وسلو ډزي اوريدلي کيږي، د ولايت د مقر په وداني باندي دوه آر پي جي توغندي وتوغول شول. ايوبي د فرانس پرس خبري آژآنس ته وويل: « د ولايت د مقر شمال او ختيځ تر حملو لاندي ونيول شو. خو هغه په دي هکله نور جزييات بربنډ نه کړل.

د رپوټونو له مخي، د حملي په وخت کي د کندهار والي په خپل مقر کي ؤ. هغه وروسته د حملو پخلي وکړ او رسنيو ته دومره وويل: « مخالفينو د حکومت پر مختلفو تأسيساتو حمله وکړه، خو د حکومت امنیتب ځواکونو وضعيت اوس تر کنترول لاندي راوستي دي.»

د کندهار د ولايت د روغتون يو ډاکتر هاشم وويل چي 14 ټپيان روغتون ته ليږدول شوي دي.

له کندهار څخه د آلمان غږ راډيو خبریال په خپل رپوت کي وويل:

«د کندهار د ولايت مقام پر وداني، ملي امنيت ، دچوڼي دپوليسو پرماموريت، دکندهار 7حوزه کي دعامه نظم دپوليسو پر وداني وسله وال بريدونه وشول. د کندهار ولايت مقام تر څنګ په ارګ بازار کي وسله وال بريد کوونکي دوو سوداګريزو مارکيټونو او دولايت د مقام شمال پلو د بريښنا ستيشن ته ختلي او د درنو اوسپکو وسلو ډزي پيل کړي.»
هغه د خپل رپوټ په دوام کی وویل: « دکندهار د ملي امنيت پروداني د کندهار هوټل او د نجونو د ښوونځي له خوا ډزي رواني دي. د يادوني وړده چه همدا اوس د برق جکشن چه د ولايت مخامخ دي درنه چاودنه پکښي وسوه ويل کيږي چه ځانمرګي بريدکوونکي پکښي وچاوديدل.»

د فرانس پرس د خبري آژاسن د رپوټ له مخي طالب اورپ:و د ددغو حملو مسووليت په غاړه اخيستي دي.

د القاعدي د ترهګري شبکي د مشر اسامه بن لادن له وژل کيدو وروسته طالبانو پرون خبرداري ورکړ چي د « امريکايي ځواکونو له خوا د هغه وژنه د بهرنيو او افغان ځواکونو پر ضد حملو ته په يو « نوي قوت» ورکړي.

له دغه خبرداري مخکي هغوي د پسرلي د حملو څخه هم خبر ورکړي ؤ. خو د طالبانو هغه يووياند چي ځان يي يوسف احمد د فرانمس پرس خبري آژانس ته معرفي کړي، له دي يادونه ونه کړ چي د کندهار حملي د بن لادن له وژلو سره کوم ارتباط لري .

آژانسونه/ عبدالباري حکيم
کتونکي: احمد ولي اڅکزی