1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د کرزي او کیاني د غونډې پریکړې به په عمل کې ولیدلې شي

د امریکا د بهرنیو چارو وزیر جان کیري، ویلي چې افغان ولسمشر حامد کرزي، د پاکستان د پوځ له مشر سره د چهار شنبې په ورځ لیدلي او د کابل او اسلام آباد تر منځ يې د اړیکو د ښه کولو په اړه «گټورې» خبرې کړې دي.

U.S. Secretary of State John Kerry (C) laughs as Afghan President Hamid Karzai and Pakistani Army Chief General Ashfaq Parvez Kayani shake hands after he made a statement following a meeting in Brussels April 24, 2013. U.S.-hosted talks between Karzai and Pakistani officials were productive but any progress will be measured in results, Kerry said on Wednesday. REUTERS/Evan Vucci/Pool (BELGIUM - Tags: POLITICS MILITARY TPX IMAGES OF THE DAY)

Hamid Karzai John Kerry Ashfaq Parvez Kayani

د افغان ولسمشر او پاکستاني چارواکو تر منځ دغه غونډه د جان کیري په کوربه توب جوړه شوې وه. که څه هم کیري ټینگار وکړ چې خبرې گټورې وې، خو هغه دا خبره هم روښانه کړه چې د غونډې پریکړې باید په عمل کې ولیدلې شي. کیرې وویل: «موږ ډیرې پراخه ... گټورې او جوړوونکې خبرې اترې وکړې ... خو موږ ټولو سره موافقه کړې ده چې د دې غونډې پایلې به د غونډې [د پریکړو په اړه] معلومات ورکړي، نه دا چې موږ یې په یوه خبري کنفرانس کې اعلان کړو.»

کیري د غونډې د جزئیاتو په اړه نور څه بربنډ نه کړل. افغانستان په وروستیو وختونو کې تر بل هر وخت ډیر پر پاکستان باندې تورونه لگوي چې د دغه هیواد د سولې د بهیر پر وړاندې ستونزې رامنځ ته کوي. افغان چارواکي همدارراز وایي چې پاکستان غواړي د ۲۰۱۴ کال تر پایه پورې کله چې بهرني ځواکونه له افغانستان څخه وځي، دغه هیواد نا آرامه وساتي.

جان کیري د دغو او ځینو نورو ستونزو د له منځه وړلو له پاره د ولسمشر کرزي، د پاکستان د پوځ مشر اشفاق کیاني او د بهرنیو چارو یوه لوړپوړي چارواکي جلیل جیلاني، تر منځ په بروکسل کې د غونډې کوربه توب وکړ.

جان کیري د ولسمشر کرزي او پاکستاني چارواکو تر درې ساعته غونډې وروسته وویل: «زه فکر کوم چې د غونډې ټولو گډونوالو په دې خبره سره موافقه وکړه چې باید د سیاست او امنیت په برخو کې خبرې اترې دوام ومومي.»

ولسمشر کرزي هم دغه غونډه ډیره گتوره وبلله او ویې ویل چې خوشحاله دی چې کیاني او جیلاني په کې د گډون له پاره بروکسل ته راغلي دي. د غونډې په پای کې نه کرزي او نه هم کیاني د هغه د پایلو په اړه څه وویل.

په وروستیو وختونو کې د افغانستان او پاکستان تر منځ له دې کبله یوه نوې شخړه پیدا شوې ده چې افغان چارواکي پر پاکستان باندې تور لگوي چې د افغانستان او پاکستان په سرحدي سیمو کې یې د افغانستان په خاوره کې پرمختگ کړی دی.