1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

د کابل وژونکي احتجاجونه

دوشنبه، د ١٣٨٥ هجري لمريزکال د غبرگولي د مياشتې ٨ نيټه، د کابل په خيرخانه مينه کې د امريکا د متحده ايالتونو د زغروالوگاډو د يوه کاروان اوڅوافغاني گاډوترمينځ يوټرافيکي ټکر، د کوم له کبله چې ٨ تنه افغانان ووژل شول، په کابل کې، د طالبانو د حکومت له نسکوريدوراهيسې، د ترټولولويواوسختو احتجاجونوسبب شو.

default

تردغه ټکروروسته احتجاج کونکوکابل ښاريانو، د امريکا د متحده ايالتونو د کاروان نقليه وسايط په تيږو ويشتل او د امريکاضدشعارونه ئې ورکول.
عيني شاهدان اوافغاني پوليس وايي چې امريکايي سرتيرو د احتجاج کونکومُلکي وگړوپرډلې مستقيماًډزې کړيدي. خو )آی اس ای اف( ادعاکوي چې امريکايي سرتيرو د ځان د ساتنې لپاره هوايي ډزې کړيدي.

هوايي ډزې د منلووړ نه دي
د افغانستان له مُجرب پخواني ډيپلوماټ محمدگل » وطنپال داياني « څخه مې تپوس وکړچې آيا دا د ده په نظر د منلووړده چې دهوايي ډزوله کبله په لسگونوتنه انسانان ووژل شي؟
وطنپال داياني:» داامکان نه لري چې د هوايي ډزوله کبله انسانان ووژل شي. پراحتجاج کونکوباندې مستقيماًډزې شويدي .« وطنپال ـ داياني زياته کړه: » د افغانستان حکومت، په ځانگړې توگه بيا د امنيتي مسأيلوپه هکله، له خلکونه حقيقت پټوي .«