1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د چین د کمیونست ګوند کنګره پای ته ورسیده

د چین دولتي خبرې رسنې شین هوا، ویلي دي چې د چین د ولسمشر مرستیال شي جن پنګ، او د لومړي وزیر مرستیال لي کي کوآنک، د دې هیواد د کمیونست ګوند د مرکزي کمیټې د غړو په توګه ټاکل شوي دي.

Delegates attend the closing session of 18th National Congress of the Communist Party of China at the Great Hall of the People in Beijing, November 14, 2012. REUTERS/Jason Lee (CHINA - Tags: POLITICS)

China Abschluss Parteitag KP

د چهار شنبې په ورځ د چین د کمیونست ګوند استازو د دغه ګوند د مرکزي کمیټې غړي وټاکل. له ډیر وخت راهیسې تمه کیده چې شي جن پنګ د چین د کمونست ګوند مشري له هوجنتاو څخه تسلیم شي او بیا وروسته د چین د ولسمشر په توګه وټاکل شي.

د چین د کمیونست ګوند مشري په هرو لسو کلونو کې یو وار تغیر کوي. د چین جمهور رییس چې د دې هیواد د کمیونست ګوند مشر هم دی هوجیانتاو، او د چین لومړی وزیر وین جیا باو، باید اوس د قوانینو له مخې تقاعد وکړي.

د چین ګوندي کنګره به د پنجشنبې په ورځ خپل سیاسي دفتر وټاکي چې په کې به په لسهاو تنه غړیتوب ولري. د هغوی له ډلې څخه به د دایمې کمیټې غړي وټاکل شي چې یوه ډیره پیاوړې حلقه ده او د غړو شمیر به یې اوو تنو ته ورسیږي.

د دغو دوو کمیټو غړي ښايي د چین اقتصادي او سیاسي برخه لیک وټاکي. د چین ګوندي کنګره د پنګینګ به خلق تالار کې جوړه شوې وه. د دې کنګرې پر مهال ډیر سخت امنیتي تدابیر نیول شوي ول.

مسعود جهش (دویچه ویله)
کتونکی: نجیب الله زیارمل