1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

د چين د اقتصادي ودي کچه نوره هم کښته شوې ده

د چین اقتصادي وده د روان کال په دوهمو درو میاشتو کې هم راکښته شوې ده. په دې سره نو د نړۍ د دوهم اقتصاد په اړه اندیښنې لا پسي ډیري شوي دي. خو چینایي چارواکو ویلي دي چې اقتصاد یې باثباته دی.

Der Ladies Market in der Tung Choi Street im Stadtteil Kowloon in Hongkong, fotografiert am 08.01.2012. Foto: Jens Kalaene pixel

China Straßenhändler

د چین د رسمي شمیرو له مخې دغه هیواد ناخالص کورني تولید د ۲۰۱۳ کال په دوهمو درو میاشتو کې ۷.۵ سلنه وده کړې ده. دا په داسې حال کې ده چې دغه وده د لومړیو درو میاشتو له پاره ۷.۷ سلنه وه. د چین د ملي احصائیې ویاند شینگ لییانگ، د دوشنبې په ورځ وویل چې د چین اقتصادي وضعیت باثباته دی.

دغه چینایي چارواکي ویلي دي چې د هیواد د ودې د سلني د کمیدو علت یې د «ممکنه بهره وري» کمیدل دي. دا په دې معنی چې اوس په چین کې پانگونه د پخوا په څیر گټه یا «سود» نه رامنځ ته کوي.

لییانگ وویل چې په دې برخه کې نړیوال اقتصادی وضعیت هم د یادولو وړ دی چې اوس هم له ستونزو سره مخامخ دی. ښايي هغه له دې سره د یورو کړکیچ او په نړیواله کچه د تقاضا کمیدو ته اشاره کوله.

په ۲۰۱۲ کال کې د چین اقتصادي وده ۷.۸ سلنه ته راکښته شوې وه. هغه وخت دغه شمیره په تیرو ۱۳ کلونو کې د چین د اقتصادي ودې تر ټولو کښته سلنه وه. خو اوس ښایي دغه سلنه د لا کښته کېدو پر لور روانه وي چې له کبله یې نه یوازې په چین بلکي په ټولنه نړۍ کې اقتصادي ستونزي رامنځ ته کیدای شي.

تر دې مخکې د چین د مالیې وزیر ویلي ول چې په ۲۰۱۳ کال کې به د دغه هیواد د ناخالص کورني تولید کچه د ۶.۵ او ۷ سلنه تر منځ یوې شمېرې ته راکښته شي. دا په داسې حال کې ده چې چین د روان کال له پاره د خپل ناخالص ملي عاید د ودې کچه ۷.۵ سلنه اټکل کړې وه.

د چین د اقتصادي ودې کچه په داسې حال کې راکښته کيږي چې دغه هیواد غواړي اوس خپل توازن یو ځل بیا برقراره کړي. دا په دې معنی چې چین اوس غواړي د لنډ مهاله صادراتو پر ځای د پیریدونکو د مصرف کچي ته ډیره توجه وکړي.

له بلې خوا په وروستیو وختونو کې د چینایي بانکونو د مالي وړتیاو په اړه هم ځیني پوښتني او شکونه رامنځ ته شوي دي. یو شمیر کارپوهان وایي چې د دغه هیواد ډیر بانکونه اوس د چین له مرکزي بانکه پوړوړ دي او خپلي چارې د همدغو پورونو په مرسته پر مخ بیایي. یو شمیر کارپوهان خو آن وایي چې وضعیت له ډیوالي کیدو دمخه د اروپايي بانکونو حالت ته ورته دی. خو خپله چینایي بانکونه او د دغه هیواد مالي ادارې بیا دغه ادعاګانې ردوي.