1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د پوځي پريټ په جريان کې د بريد څخه وروسته د افغانستان حالات

کرزي د وړمي ورځي د پوځي پريټ څخه هيڅ هم نه وويل ، او د دغي پيښي پر تحقيقاتو باندي چه پخپله جمهوررييس کرزی ځني خلاص سو، هم څه ونه ويل.

کرزی په امريکايي عسکري موټر کې نظامي قطې گوری

کرزی په امريکايي عسکري موټر کې نظامي قطې گوری

پوښتنو ته اجازه نه وه . همدارنګه د دغي پيښي څيړونکو هم د دغي واقعې سره ډيره علاقه ونه ښوول. دوی يوازي دونه وویل چي تحقيقات روان دي، او کوښښ کيږي چه د هغه اصلي نفر پيدا سي. آيا دا چه ځني بريدکونکي به نيول سوي وي، هغه معلومه نده. او د اصلي پوښتنو په باب يې هيڅ جواب نه ورکاوه. دا څنګه کيدای سوای ، چه شپږ نفره بريدکونکي پريټ او ستيژ ته رانژدې سي .
د ماشینګړو او لاسي بمونو پواسطه حمله د یکشنبې د رسم ګذشت په آخره کښي رامنځته سوه . درې حاضرین او همدارنګه درې تنه حمله کونکي د فيرونو په تبادله کښي ووژل سول .
د برتانيې د سفارت څخه یو ميلمه شيراد کوپر کولس وايي چي د فيرونو ږغونه د ملي سرود او پوځي احترام دږونو سره ګډ سول.
«ما د پوځي پريټ د آخري په چپه خوا کښي د زړو ودانيو څخه دودان وليدل . او وروسته مي رآسآ د ماشينګړو د فيرونو ږغونه واوريدل، چي ږغونه يې مخ پر لوړيدو وه . »
خو اوس معلومه سوې ده چه بريدکونکي په یوه درې منزله ودانۍ کښي پټ وه، چه د ميلمنو څخه يې ۳۰۰ متره فاصله درلوده . داچه دوی سربيره پر ډيرو امنيتي تدابيرو هلته څنګه ورننوتلي دي ، د سوال وړ خبره ده . په غير رسمي ډول ويل کيږي چه بريد کونکو د پوليسو او پوځيانو يونيفورم اغوستی ؤ .
د پيښي څخه د مقاماتو څه نه ويل ،دا آوازې راپورته کړي دي ، چه آیا ددې پيښي تر شا خو به د طالبانو په عوض د حکمتيار نفر نه وي ولاړ .
آيا د بريدکونکو سره ددولتي چارواکو کومک نه ؤ موجود ؟
پدې باب د ښاري پرمختګ وزير يوسف پښتون د الجزيرې تلويزيون ته داسي وويل:
«دغو خلګو په حقيقت کښي نه غوښتل چه پر راغلو ميلمنو حمله وکي ، بلکه يوه ګډوډي يې غوښتل . ځکه نو زه دا احساس لرم ، چه که څه هم هغه نسم ثابتولی ، چه بريدکونکي دي زموږ د منڅ څخه رهبري سوي وي . دوی غوښتل خپل خلګ ونه ولي . زه عقيده لرم چه ددولتي دستګاه څخه يو چا د بريدکونکو سره همکاري کړې ده .»
په کابل کښي پر پوځي پريټ تر حملې يوه ورځ وروسته هم دا ثابته سول چه په افغانستان کښي امنيتي حالت ثبات نلري. د افغانستان په شمال کښي يوه ځان وژونکي بريدکونکي د آلماني پوځ پر يوه کاروان يرغل وکۍ.
د افغانستان د شرق څخه هم امريکايي پوځ د سختو عملياتو خبر ورکړی دی ،او تقريبآ ۴۰ ياغيانو پر امريکايي او افغاني پوستو حمله کړې ده.