1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د پاکستان په پارلماني ټاکنو کي د مشرف ګوند سخته ماته خوړلې ده

د پاکستان اولس تيره ورځ په رايه ورکولو سره د هغه هيواد د لانجمن جمهور ريس پروېز مشرف د سياست سره خپل مخالفت په ډاګه اعلان کړی.

د نواز شريف د ګوند پلويان خپل برياليتوب لمانځي

د نواز شريف د ګوند پلويان خپل برياليتوب لمانځي

د غيري رسمي پايلو د مخه د پاکستان د اپوزيسيون دوه لوی ګوندونه. په پارلماني ټاکنو کي په ښکاره ډول مخکي دي.

تر اوسه پوري د ټولو رايو په سلو کي شپېته شمېرل سوي دي. ددې پايلو پر بنسټ د پاکستان د مسلم ليګ د ګوند او د پخوانۍ لومړۍ وزيري بېنظير بوټو ګوندونو تقريبآ مساوي رايي ګټلي دي. د مشرف ګوند،چی په سلو کي دوولس رايي يي ګټلي دي، د يوې سختي ناکامۍ سره مخامخ دی. داسي ښکاري چي هغه اسلاميستي ګوندونو، چي په تيرو پارلماني ټاکنو کي يي لوی برياليتوبونه په نصيب سوي وه ډيره سخته ماته خوړلې ده.