1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د پاکستان د علماوو شورا څرگندوني وغندل سوې

حامد کرزي په کابل کې د ناټو له سرمنشي اندرس فوغ راسموسن سره په ګډ خبري کنفرانس کې د پاکستان د علماوو پر هغه خبره نیوکه وکړه چې ځانمرګي بریدونه روا ګڼي. هغه ټینګار وکړ چې دغه موقف د افغانستان پخوانۍ ادعاوې په اثبات رسوي.

Afghanistan's President Hamid Karzai (L) shakes hands with Anders Fogh Rasmussen, NATO's Secretary General during their meeting in Kabul, Afghanistan, 12 April 2012. A statement from the NATO office in Kabul said Rasmussen visited the Afghan commando training facility in Camp Morehead on the outskirts of Kabul where he observed a raid training exercise by Afghan special forces

Anders Fogh Rasmussen , Hamid Karzai

افغان ولسمشر حامد کرزي د دوشنبې په ورځ په کابل کې د ناټو له عمومي منشي اندرس فوغ راسموسن، سره په یوه ګډ خبري کنفرانس کې وویل چې د پاکستان د علماو د شورا رئیس وروستی موقف چې ځانمرگي بریدونه جواز گڼي د افغانستان تيري ادعاوې په اثبات رسوي.

کرزي زیاته کړه چې که څه هم په لندن کې پر دې خبره باندې توافق شوی وو چې په کابل کې به د پاکستاني او افغان علماوو یو گډ کنفرانس جوړ شي. خو پاکستاني علماوو په دې کنفرانس کې له گډون څخه انکار وکړ:

«په خواشینۍ سره موږ ولیدل چې نه یوازي دا چې دغه کنفراس جوړ نه سو او د هغه له پاره عملي گامونه وانه خيستل سول، بلکي د پاکستان د علماوو شورا مشر چې د دې هیواد له خوا د پاکستاني پلاوي د مشر په توگه ياد سوی وو، اعلان وکړ چې په افغانستان کې انتحار جواز دی او ښه کار دی.»

تر دې مخکې د افغانستان، پاکستان او بریتانيا دولتي مشرانو تر منځ په لندن کې یوه غونډه شوې وه چې پکې د نورو تر څنگ پر دې خبره باندي موافقه شوې وه چې په کابل کې به د افغان او پاکستاني علماوو تر منځ غونډه جوړه شي.

د پلان له مخې باید په دغه غونډه کې ځانمرگي بریدونه ناروا وگڼل شي. خو د پاکستان علماوو بیا وروسته په دې غونډه کې له گډون څخه ډډه وکړه. د پاکستان د علماوو مشر خو آن په افغانستان کې ځانمرگي بریدونه هم روا وگڼل.

کرزي ټینگار وکړ چې افغانستان به د پاکستان د علماوو د شورا مشر له خبرو څخه خپله نتیجه گیري وکړي. په همدې حال کې د ناټو عمومي منشي اندرس فوغ راسموسن هم وویل چې هغه دغه شان ټولي څرگندوني غندي چې ځانمرگي بریدونه روا گڼي:

«تر هر څه دمخه زه ټولي هغه څرگندوني غندم چې ځانمرگي بریدونه جواز گڼي. دغه ترهگر بریدونه هیڅ هم نه شي توجیه کولای.»

د ناټو سرمنشي یو وار وویل چې د ترهگری پر وړاندې جگړه کې د پاکستان همکاری ډیره اړینه ده. هغه وویل: «موږ تل له پاکستان او د دې هیواد له لښکر څخه غوښتي دي چې په سرحدي سیمو کې د ترهگرو پر وړاندې جگړه پيل کړي.»

«د افغانستان راتلونکي ټاکنې ډیري مهمي دي»

د ناټو مشر اندرس فوغ راسموسن، په دې خبري کنفرانس کې وویل چې د افغانستان راتلونکي ټاکني د دغه وطن له پاره ډیري مهمي دي. هغه وویل چې په دغو ټاکنو کې باید ډیر کسان گډون وکړي او باید رنڼې وي:

«پر دې سربیره دا خبره هم مهمه ده چې افغان حکومت خپلي ژمني چې د قانون تحکیم، له اداري فساد سره مبارزه او د ښځو د حقوقو په شمول د بشري حقونو ملاتړ دي، پوره کړي. دا د افغانستان د ثبات او نړیوالي ټولني د ملاتړ د ترلاسه کولو له پاره اصلي شرط دی.»

پاکستان هم د ترهگرۍ په اور کي سوځي

ولسمشر کرزي وویل چې اوس دا یوه واضیح خبره ده چې پاکستان له ترهگرۍ سره د مبارزې په برخه کې جدي گامونه نه اخلي. هغه زیاته کړه چې اوس د ترهگرۍ اور پخپله د پاکستان ملت هم سوځوي.

کرزي وويل: «په خواشینۍ سره موږ وینو چې د پاکستان ملت هم د ترهگرۍ په اور کې سوځي.»

ولسمشر کرزي په دې برخه کې د کوټي پېښو ته اشاره وکړه. هغه ټینگار وکړ چې هغه څوک چې د ترهگرو ملاتړ کوي، په تور لیست کې به شامل کړای شي.