1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د ټاکنو کمېسيون د نوي رئيس پر سر اختلاف

د سیاسي گوندونو او ایتلافونو د گډي همکارۍ شورا وايي چې ولسمشر غواړې، د ټاکنو خپلواک کمېسیون له پاره پر خپل سر نوی مشر وټاکي. د ټاکنو کمېسیون د اوسني مشر فضل احمد معنوي د کار موده مخ پر خلاصېدو ده.

. Auf dem Bild ist das Schild des afghanischen Wahlkommission zu sehen. Hussain Sirat, DW-Mitarbeiter in Kabul hat dieses Bild am 10.12.12 aufgenommen. Alle Rechte gehören der DW.

Schild der afghanischen Wahlkommission

له آرگ څخه خپره شوې وینا پاڼه وايي چې افغان ولسمشر حامد کرزي د سه شنبې په ورځ (۲۰۱۳ کال د اپریل ۹) په آرگ کې له جهادي مشرانو، د مشرانو او ولسي جرگو له مشرانو، د مدني ټولني له ځینو غړو، سیاسي گوندونو او د آپوزیسیون له ځینو مشرانو سره مشورتي غونډه وکړه.

د جمهوري ریاست د مطبوعاتې دفتر یوې غړي عادلې راز د دې مشورتې غونډې د پریکړې په اړه دويچه ویله ته وویل:

"په غونډه کې پریکړه وشوه چې د ټاکنو کمېسیون له پاره به نوی رئیس، د ملي شورا له خوا د ټاکنو قانون او د ټاکنو خپلواک کمېسیون د تشکیل، دندو او واکونو قانون تر تصویب وروسته له قانون سره سم وټاکل شي."

اغلې راز وايي په غونډه کې له ملي شورا څخه په ټینگار سره وغوښتل شول چې د ټاکنو او د ټاکنو کمېسیون د تشکیل، دندو او واکونو قوانین دي ژرتر ژره تصویب کړي.

خو د ملي ایتلاف گوند ویاند فضل الرحمن اوریا چې د گوندونو د همکارۍ شورا په استازیتوب یې خبري کولې وویل: ولسمشر کرزی د مشورې تر نامه لاندې د ټاکنو پر کمېسیون د خپلې ارادې تپل غواړې.د ښاغلي اوریا په وینا د ټاکنو کمېسیون نوی رئیس دې له قانون سره سم وټاکل شي.

"د ټاکنو کمېسیون له پاره د مشر او کمېشنرانو ټاکلو پروسه باید د ټاکنو خپلواک کمېسیون له قانون سره سمه سرته ورسیږي، چې دا قانون اوس د ولسي او مشرانو جرگو په گډ کمېسیون کې تر کار لاندي دی، نو رئیس جمهور دې مزاحمت نه کوي او د ټاکنو خپلواک کمېسیون دې پرېږدې چې خپل کار سرته ورسوي."

د ټاکنو د خپلواک کمېسيون رئيس فضل احمد معنوي کاري دوره پاته رسيږي.

د ټاکنو د خپلواک کمېسيون رئيس فضل احمد معنوي کاري دوره پاته رسيږي.

خو د جمهوري ریاست د مطبوعاتې دفتر غړې عادله راز وايي په آرگ کې د سه شنبې ورځې مشورتې غونډې ته د سیاسي گوندونو د گډې همکارۍ شورا غړي هم ور بلل شوي ول، خو هغوی په غونډه کې گډون ونه کړ.

د آغلې راز په وینا پریکړه د ولسمشر له خوا نه، بلکې په خپله د جهادي مشرانو، مدنې ټولني او ملي شورا د غړو په سلا مشورې سره شوې ده.

په همدې حال کې د مشرانو جرگې د سه شنبې ورځې عمومي غونډي ته د ټاکنو خپلواک کمېسیون اوسنۍ مشر فضل احمد معنوي هم وربلل شوی وو، چې د راتلونکو ټاکنو په برخه کې د سناتورانو اندېښني ځواب کړي.

ښاغلي معنوي د مشرانو جرگې غونډې ته په خبرو کې د راتلونکو ولسمشریزو او ولایتي شوراگانو د ټاکنو شفافیت په امنیت پورې تړلی وباله.

سره له دې چې په افغانستان کې د راتلونکو ولسمشریزو ټاکنو نېټه ټاکل شوې ده، خو د شفافیت او سرتاسریت په اړه یې لاهم اندېښنې پر ځای پاتي دي.

ټاکل شوې ده چې په هېواد کې راتلونکې ولسمشریزې ټاکني د ۱۳۹۳ لمریز کال د وري پر ۱۶ مه نېټه ترسره شي.