1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د يزديانو د ډله يزو وژنو عامل ووژل شو

د امريکې پوځ په عراق کې د خپلو څرگندونو له مخې د دې هېواد په شمال کې په دوو ښارگوټو باندې د تر سره شويو بريدونو اصلي عامل وواژه. د پوځ يوه وياند په بغداد کې وويل چې د القاعدې دغه ملاتړی، ابو محمد العافري د موصول ښار په سويل لويديځ کې ووژل شو.

په ځانمرگو بريدونو کې تر څلور سوو زيات وگړي وژل شوي وو

په ځانمرگو بريدونو کې تر څلور سوو زيات وگړي وژل شوي وو

ښاغلي العافري ښايي د يزديانو د ديني لږکۍ په دوو کليو باندې تر سره شوي بريدونه پلان کړي وي. په دغو ځانمرگو بريدونو کې تر څلور سوو زيات وگړي وژل شوي وو. القاعده د يزديانو د مذهبي ډلې پيروان کافران بولي. دغه مذهب له بېلابېلو دينونو، لکه اسلام، يهوديت او عيسويت او همداراز له نورو پخوانو اديانو څخه توکي په ځان کې رانغاړي.