1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

د افغانستان بيا رغاونه

د هرات په پوهنتون کي د 1.6 ميليونو ډالرو په ارزښت نوی پرروژي پیلیږی

متحده ايالات او د افغانستان دولت د هرات په پوهنتون کي د 1.6 ميليونو ډالرو په ارزښت نوي پروژي په لاره اچوي. د دغه پوهنتون استادان او محصلين وايي چي د نوو پروژو سره به د دوي ډيري ستونزي حل شي

د هرات د پوهنتون محصلین

د هرات د پوهنتون محصلین

د هرات د پوهنتون د بيا رغوني لپاره د امريکا متحده ايالاتو او د هيواد د لوړوزده کړو د وزارت په لګښت نوي پروژي ورکړل شوي. د دغه پوهنتون د ژورناليزم او زراعت ديپارتمنتونه هم په پوهنځيو ته تبديل شول.

ډير شمير محصلين او استادان د بيارغوني تازه پروګرام ته اميد وار دي او وايي چي تير مهال يي په دغه اړوند ستونزي ګاللي.

د هرات د پوهنتون د ژورناليزم،او زراعت ديپارتمنتونه د افغانستان د لوړو زده کړو د وزارت په تاييد په پوهنځيو پبديل شول او د همدغه وزارت د پرمختيايي اداري له خوا 1.6 ميليونه ډالر د نورو بيلابيلو برخو د رغوني لپاره د هرات د پوهنتون په واک کي پريښودل شوي.

د هرات د پوهنتون ريس، بارز حسيني، د لوړو زده کړو د وزارت او د امريکا متحده ايالاتو د پرمختيايي اداري مامورينو سره د پوهنتون د بيارغوني د پروژو د تړون دلاسليکولو خبر د هرات د پوهنتون محصلينو او استادانو ته ورکړ. ده وويل: «بل ښه خبر چه زه يي تاسو ته لرم دا دي چه د کمپيوتر ساينس د برخي لپاره هم د وداني د جوړښت کار لنډي راتلونکي کي پيليږي. نقشه يي برابره شوي او پيسي مرکزهم راکړي.»

په هرات کي د امريکا د سياسي چارو مسول، براد هنسن، په دي هکله وويل چي هيواد يي د هرات د پوهنتون لپاره دري مليونه امريکايي ډالره د روان کال په بودجه کي بيل کړي چه له مخي به يي دلته د ژورناليزم د څانګي د محصلينو لپاره د عملي کارونو لپاره د يوي تلويزيوني شبکي په جوړښت سربيره، دري پوړيزه وداني جوړه کړي.

د ه زياته کړه چي د همدغي پوهنځي اووه تنه استادان به د امريکا په يو معتبر پوهنتون کي د دوکتورا په کچه د زده کړو دوام ته ومنل شي.

د ژورناليزم د څانګي يوه استاد پوهنتون کي د تازه پروژو په پيل راضايت څرګند کړ او وويل: «بايد ووايم چه دهرات پوهنتون د 9500 محصلينو په شتون سره 13 بيلابيلي پوهنځي لري خو داچي له تاسيس څخه يي ډير وخت نه اوړي د درسي ځاي په تنګوالي سربيره يي بيلابيلو برخو کي محصلين له ستونزو سره مخ دي. خو خوشحله يم چي د تازه پروژو په بشپړيدو سره به په راتلونکي کال کي يادي ستونزي تر ډيره بريده حل شي.

هرات: شريف شرفيار

کتونکي: عبدالبار حکيم