1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د نړۍ په کچه د ماشومانو د قاچاق کچه لوړه شوې ده

د ملګرو ملتونو د کوچنیانو د ملاتړ سازمان یونسف، او د آلمان جنايي ادارې ویلي دي چې اوس په نړۍ کې د ماشومانو او نوو ځوانانو خرڅلاو او قاچاق ډیر شوی دی.

په دې اړه په یوه خپور شويٍ رپوټ کې راغلي دي چې د انسانانو د سوداګرۍ ډیری موندل شوي قربانیان نابالغه کسان ول. په رپوټ کې د موندلو شویو نابالغو کسانو سلنه ۲۷ ښوول شوې ده.

په رپوټ کې زیاته شوې ده چې د قربانیانو دوه پر دریمه برخه نجونې دي. خو دا لا معلومه نه ده، چې په ټولې نړۍ کې څومره انسانان د انساني سوداګرۍ قرباني کیږي.

د اروپايي کمیشنری د اټکلونو پر اساس د انسانانو د قاچاق بانډونه له دغې لارې هر کال تر ۲۵ میلیاردو یورو پورې ګټه تر لاسه کوي.