1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د مکسیکو د اور لوبو تجهیزاتو په بازار کې چاودنه

په مکسیکو کې د اور لوبو سامان د خرڅلاو په یوه مشهور مارکیټ کې چاودنو لږ تر لږه ۲۹ تنه وژلي دي. تر چاودنې وروسته له دغه مارکیټ څخه سختې لوخړې د آسمان پر لور پورته کېدې.

د ورکړل شوو رپوټونو له مخې دغه چاودنه د سه شنبې په ماسپښین د مکسیکو د اور لوبو سامان د خرڅلاو په مشهور مارکیټ «سان پابلیتو» کې رامنځ ته شوې ده. دغه مارکیټ د پلازمینې مکسیکو سيټي، شمالي څنډه ته پروت دی.

په دغه مارکیټ کې د اور لوبو تجهیزاتو زیاتره غرفې په بشپړه توگه له منځه تللي دي.

په تولتپیک، کې د بیړنیو خدماتو مشر ایسدرو سانچیس ویلي دي چې د وژل شوو کسانو شمیر مقدماتي دی، ځکه تر اوسه لاري ټول ځايونه نه دي پلټل شوي. هغه ویلي دي چې ښایي د پوره امنیتي تدابیرو نشتوالی د چاودنې سبب گرځیدلی وي. په ۲۰۰۵ او ۲۰۰۶ م کلونو کې هم په دغه مارکیټ کې اور لگیدلی وو.

Mexiko Explosion Feuerwerkmarkt in Tultepec (picture-alliance/dpa/Secretaria de Seguridad Publica/CDMX)

مارکیټ کې هر څه ویجاړ شوي دي

د عامه ساتنې ملي همغږي کوونکي لویس پوینته، د ټولنیزو شبکو له لارې ویلي دي چې په چاودنه کې شا او خوا ۶۰ کسان ټپیان شوي هم دي. هغه ویلي دي چې مارکیټ ته څیرمه کورونو ته هم زیان اوښتی دی او له خلکو یې غوښتي ول چې تر پنځه کیلومترۍ پورې د چاودنې ځای ته ور نه شي، څو د بیړنیو چارو مخه و نه نیول شي.

د مکسیکو سره صلیب د پیښې ځای ته لس امبولانسونه چې پکښې ۵۰ تنه روغتیايي کارکوونکي ول، لیږلي دي.

د مکسیکو ولسمشر اینریکه پینا نیتو، د تويتر له لارې په پيښه کې د وژل شوو کسانو له کورنیو سره خواخوږي ښوولې ده او د ټپیانو له پاره یې د ژر روغتيا هیله ښوولې ده.