1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د ملگرو ملتونو عمومي منشي په کابل کې دی

ښاغلی بن کي مون دا مهال په کابل کې دی تر څو له افغان ولسمشر او د ناټو ځواکونو له مشرانو سره د طالبانو په وړاندې د مبارزې په اړه خبرې وکړي.

ښاغلی بن کي مون او افغان ولسمشر کرزی راتلونکي اونۍ په روم کې هم سره گوري

ښاغلی بن کي مون او افغان ولسمشر کرزی راتلونکي اونۍ په روم کې هم سره گوري

نوموړي په کابل کې د ولسمشرۍ ماڼۍ مخې ته له کرزي سره د عکاسانو په وړاندې روغبړ وکړ او بيا د خبرو اترو په موخه ورننوتل. دا دواړه به په راتلونکي اونۍ کې د افغانستان په اړه د يوې نړيوالې غونډې په ترڅ کې په ايټاليا کې سره وويني تر څو په هېواد کې د قانون د حاکميت او د بشر د حقونو په هکله خبرې وکړی. ښاغلي بن کي مون همداراز د ناټو د ايساف ځواکونو قوماندان جنران دېن مک نيل سره وکتل. ټاکل شوې ده چې دی به د جمعې په ورځ بېرته ستون شي.