1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د ملافيض الله د نيولوله پاره 4000 عسکر لېږل سوي دي.

د پاکستان حکومت 4000 تنه سرتيري د صوبه سرحد ايالت د سوات د رې سيمي ته لېږلي دي تر څو هلته د طالب پلوه روحانيونو د عملياتو مخه ونيسي.

د پاکستان د پوځ وياند وحيد ارشد ويلي چي دا ځواکونه يي د ملافيض الله د فعاليت شنډ ولو په خاطر ورلېږلي دي

د پاکستان د پوځ وياند وحيد ارشد ويلي چي دا ځواکونه يي د ملافيض الله د فعاليت شنډ ولو په خاطر ورلېږلي دي

د PTI هندي آژانس په خبره پاکستان دا اقدام هغه مهال وکړی ، کله چي تيره ورځ ناوخته د ملکنډ په سيمه کي د يوې بمي حملې په ترځ کي څلور تنه پاکستاني عسکر ووژل سول.
ددې حملي په اړوند اووه تنه نيول سوي هم دي. د پاکستان پوځي وياند تورنجنرال وحيد ارشد نن خبريالانو ته وويل، دا ځواکونه د ملا فيض الله د فعاليت شنډ ولو په خاطر ورلېږل سوي د ي. ملافيض الله د خپلو راډ يويي ويناو له کبله د FM مولانا په نامه مشهور دی.
د يوبل خبر له مخي پاکستاني امنيتي چارواکو نن ويلي چي نن سهار د افغانستان پولي ته نژدې په قبايلي سيمو کي ، د وه تنه پاکستاني عسکر په يوې بمي حملې کي چي د دوی د سپرليو موټر ورباندي ختلی وژل سوي او د وه نورټپيان سوي دي.
په رپوټ کي ويل سوی ، پېښه د شمالي وزيرستان په مرکز ميرانشاه کي رامنځ ته سوې.