1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د معلوماتي تکنالوژۍ نندارتون پرانيسل سو

په نړيواله کچه د معلوماتي تکنالوژۍ يا سبيت نندارتو د دوشنبې په ورځ تر غرمې وروسته پرانيستل سو. د سږکال نندارتون تر ډیره ځايه د ذخيره کولو پر سيستمونو باندي راڅرخي.

Poland's Prime Minister Donald Tusk delivers his speech during the opening ceremony of the CeBIT computer fair in Hanover March, 4, 2013. The biggest fair of its kind open its doors to the public on March 5 and will run till March 9, 2013. REUTERS/Fabian Bimmer (GERMANY - Tags: POLITICS BUSINESS SCIENCE TECHNOLOGY)

CeBIT 2013

هر کال د مارچ د مياشتي په لومړيو ورځو کي د نړۍ د معلوماتي تکنالوژۍ زه د آلمان په هانوور ښار کي وي. د ۲۰۱۳ کال سبيت يا معلوماتي تکنالوژۍ نندارتون د دوشنبې په ورځ (۲۰۱۳ کال د مارچ مياشتي ۴) د آلمان د لومړۍ وزير مېرمن انگيلا ميرکل او پولند د لومړي وزير دونالد توسک په ويناو سره پرانيستل سو.

دغه نندارتون به د پنځو ورځو له پاره پرانيستی وي او ننداره کوونکي کولای سي د نړۍ د معلوماتي تکنالوژۍ په برخه کي وروستي پرمختگونه وگوري.

له رسمه سره مطابق هرکال د دغه نندارتون د جوړيدو له پاره يوشريک هيواد هم نومول کيږي، چي د ۲۰۱۳ کال دغه ونډه د پولند هيواد په برخه سوې ده. پولند کولای سي چي د خپلي معلوماتي تنکالوژۍ په نړۍ کي د ښه معرفي کولو له پاره له دغه نندارتون څخه گټه پورته کړي.

د سږکال په نندارتون کي چي ويل کيږي تر ډيره ځای پر ټولنيزو او اقتصادي شبکو متمرکز دئ د نړۍ له ۷۰ هيوادونو څخه ۴۱۰۰ کمپنو خپل محصولات نندارې ته وړاندي کړي دي.

د نندارتون جوړونکو له دويچه ويله سره په خبرو کي ويلي دي، چي تير کال هم تقريباً په دغه اندازه هيواونو او کمپنو شرکت کړی وو.

سبيت د CES نندارتو او په بارسلونا کي د موبايل (GSMA) د نندارتون ترڅنگ په نړيواله کچه د معلوماتي تکنالوژۍ په برخه کي يو ستر نندارتون دئ، چي هرکال په سوو شرکتونه ونډه پکښې اخلي.

په دغه نندارتون کي د ټولنيزو شبکو له جوړولو څخه نيولې د الکترونيکي سوداگرۍ او سافتويرونو د جوړولو تر کمپنيو پوري د معلوماتي تکنالوژۍ په برخه کي نندارې ته وړاندي کيږي.

د سبيت نندارتون يو هدف دا دئ، چي د توليد کوونکو او مصرف کوونکو تر منځ د خبرو اترو فضا رامنځ ته کړي. د ۲۰۱۳ کال د نندارتون په جريان کي په پلان کي ده چي د خبرو اترو نزدې ۱۰۰۰ کنفرانسونه، ويناوي او ډول ډول خبري اتري وسي.

دا شپږ کال دئ، چي په سبيت کي هدفمند کنفرانسونه جوړيږي. خو د ۲۰۱۳ کال د نندارتون ځانگړتيا په دې کي ده، چي د نړۍ د برجسته کمپنيو تر سلو زيات لوړپوړي چارواکي ويناوي کوي.

په دغه خبرو اترو کي په نړۍ کي د معلوماتي تکنالوژۍ پر پرمختگونو سربيره په دغه برخه کي د راتلونکو نوښتونو په اړه هم خبري اتري کيږي.