1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

د مسلمانانو شورا په آلمان کې د مسلمان برید ګرو تدفین رد کړی

آيا د ورڅبورګ او انزبخ د برید ګرو جسدونه به په آلمان کې ښخ شي؟ د مسلمانانو مرکزي شورا په دې اړه انتقادي نظر لري. خو د دغو دوو ځوانو مسلمانانو مړي لا تر اوسه هم د تحقیق له پاره له پولیسو سره دي.

په آلمان کې د مسلمانانو د مرکزي شورا د ارزونو پر اساس د دې احتمال شته چې په یوه اسلامي هدیره کې د ورڅبورګ او انزبخ د برید ګرو د خښولو مخه ونیوله شي.

د مسلمانانو د مرکزي جرګه ګۍ د بایرن ایالت مشر محمد ابو القمصان، د آلمان خبري آژانس ته ویلي دي چې تر اوسه په بایران ایالت کې داسې کومه پیښه نه وه رامنځته شوې نو معلومه نه ده چې مسلمانان به په دې هکله څه تصمیم ونیسي.

خو ابو القمصان په دې باوري دی: «که چیري د مسلمانانو له خوا د یوه ځانمرګي برید ګر د جنازې او ښخولو غوښتنه وشي نو حتماً به دا د دې جرګه ګۍ د مشرتابه هيئت ترمنځ د بحث ستره موضوع وي.»

هغه خپله په دې نظر دی چې په اسلامي طريقه د مسلمانانو په یوه هدیره کې دي د برید ګرو له خښولو څخه ډډه وشي. د ده په آند په داسې مواردو کې د مړي کورنۍ له دې پرته بله چاره نه لري چې خپل مړی په یوه عمومي هدیره کې خاورو ته وسپاري.

دا به هم درته په زره پوري وي:

DW.COM

دوې اوونۍ تر مخه په بایرن ایالت کې یوه ۱۷ کلن مهاجر په یوه ریل ګاډي کې څو کسان په تبر او چړو سخت ټپيان کړل او دی بیا خپله د پولیسو له خوا په ‌ډزو ووژل شو. دا تن په آلمان کې د افغان په توګه راجستر شوی وو خو تر برید وروسته یې بیا د هویت په اړه شکونه پیدا شول.

همدا راز یوه اوونۍ تر دمخه په انزبخ کې یوه ۲۷ کلن سوریايي د میوزک د یوه فیستیوال پر وخت یوه بمي چاودنه ترسره کړه چې دی خپله هم پکښې ووژل شو. په دې برید کې ۱۵ تنه ټپيان شول.

تر اوسه هم معلومه نه ده چې دا دوه برید کوونکي به څه وخت خاورو ته وسپارل شي. په کارلس روهه ښار کې د آلمان د فدرالي څارنوالۍ يوه ویاند وویل چې د دغه دوو برید ګرو مړي تر اوسه هم د پلټنو په موخه له مامورینو سره دي.

په دې منځ کې د ورڅبورګ د ناحیې اداره د ۱۷ کلن ځوان د ښخولو د مراسمو په اړه فکر کوي. دا باید روښانه شي چې د پولیسو له خوا د جسد تر سپارل کیدو وروسته څه باید وشي.

د ورڅبورګ ناحیې د ادارې ویاندي وویل: «چیرته او د کومو معیارونو پر اساس به دی خارو ته سپارل کیږي او دا چې د ښخولو لګښت به يې څوک پر غاړه اخلي؟»

د ورڅبورګ څارنوال باردو بکرت، تیره اوونۍ وویل چې د ورڅبورګ د برید کوونکي د کورنۍ احتمالي غړو په کابل کې د آلمان سفارت ته مراجعه کړې او غوښتنه یې کړې چې د هغه مړی دي افغانستان ته انتقال کړل شي.

د ورڅبورګ د ښار ویاندې د انزبخ د برید کوونکي د ښخولو د څرنګوالي په اړه کوم ځانګړي معلومات ور نه کړل.

DW.COM