1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د متصادق د محاکمې په اړه د فليپ تبصره

فليپ، د آلمان غږ د راډيو مشر خبريال ليکي کله چې 32 کلن مراکشی منير المتصادق بيا په پنځه لس کاله بند محکوم شو، نو اوس د آلمان عدليه اداره يو څه وياړېدلی شي چې د 2001 کال د سپتمبر د مياشتې د يولسمې ورځې دگذارونو يو شريک يې په قانوني ډول سره محکوم کړ. له دې نه د زياتې خوشحالۍ ځای هم په دې موضوع کې نه ليدل کېږي.

منير المتصادق په پنځه لس کاله حبس محکوم شو

منير المتصادق په پنځه لس کاله حبس محکوم شو

له څلورو کلونو څخه زيات وخت وشو چې د متصادق دوسيه په آلمان کې ده او ډول ډول پړاوونه يې وليدل. لومړۍ فيصله پنځه لس کاله بند و او د پروسې د نيمگړتيا له کبله رد شوه، دوهم ځل اووه کاله بند او هغه هم د لږوالي له کبله مات شو او اوس بيا پنځه لس کاله حبس. د متصادق د دعوا وکيل عدلي احکام د خپلې خوښې کار بللی دی او په ظاهره سره داسې ښکاري هم. په دې برخه کې د آلمان د سترې محکمې هغه گواښ صدق کوي چې وايي د تروريزم پر ضد مبارزه نه بايد يوه وحشي او غير منظمه جگړه وي. له دې کبله دا د آلمان عدلي څانگو ته آسانه کار نه و چې متصادق ته هسې په ساده توگه سره جزا ورکړي او يا د هغې محکامې بر خلاف ښکاري د کومې له مخې چې ورته تر محاکمې لاندې نيول شوی يو بل مراکشي عبدالغني مزودي ته برائت ورکړل شو. دواړو په هامبورگ کې تحصيل کړی دی او د سپتمبر د يولسمې نېټې د ترهگرو له ملگرو څخه وو. په دواړو باندې دا تور لگېدلی و چې د هغو ترهگري بريدونو په برابرولو کې يې مرسته کړې وه او يا لږ تر لږه له هغو څخه خبر وو او هېڅ مخالف اقدام اوعمل يې نه و کړی. دا چې اصلا دوی څه رول لوبولای، کولای شوای د ترهگرانو له دې کړۍ څخه درېيم مراکشي رمزي بن الشيبه په ډاگه کړی وای. خو هغه په امريکا کې بندي و او د آلمان عدلي ادارې ورته لاس رسی نه درلود. واشنگټن د امنيتي ملحوظاتو له مخې له آلماني ادارو سره مرسته نه ده کړې. په داسې حال کې چې د ترهگرۍ په صد په نورو هرو برخو کې شريک کار کوي. د تعجب ځای خو دا دی چې امریکايانو بيا د مزودي د آزادولو په برخه کې مرسته وکوله او د بن الشيبه څخه د تحقيق يو داسې سند يې آلمان ته فکس کړ چې د مزودي د برائت په برخه کې يې کمک وکړ. خو متصادق سره د امريکا لخوا دا کمک ونه شو. دا چې هغه ډول تحقيق يا اقرار به څه قيمت يا اهميت ولري، چې د آلمان د عدلي څانگو کوم استازی په کې موجود نه و او د هغه د جريان څخه څوک نه پوهېږي. د گوانتانامو په جيل کې د تحقيق اصول د آلمان له قانون سره مغايرت لري او د آلمان بايد محکمې هغوی ته غوږ ونه نيسي. په هر صورت د متصادق په محاکمې له ټولو کاواکو اړخونو سره سره داسې نښې نښانې موجودې وې چې د ده په زيان تمامې او د محکمې د وروستۍ پرېکړې سبب شي يعنې چې دا ځوان د ترهرگرو د لومړۍ درجې ملگرو څخه و، ده ورسره د پيسو په حواله او يو شمېر نورو داسې څيزونو سره مرسته کړې چې سړی منلی شي دی په مجموع کې خبر و چې يو ترگري گذار چمتو کېدونکی دی. همدلته د خبرتيا او گډ کار تر منځ پوله ډېر ژر اوښتل کېږي.
  • نیټه 09.01.2007
  • لیکوال د پېتر فليپ يوه تبصره
  • چاپ دا پاڼه چاپ کړﺉ
  • لنډ لینک http://p.dw.com/p/DKKH
  • نیټه 09.01.2007
  • لیکوال د پېتر فليپ يوه تبصره
  • چاپ دا پاڼه چاپ کړﺉ
  • لنډ لینک http://p.dw.com/p/DKKH