1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

"د عسکرو د شمېر په اړه پريکړه نه ده سوې"

سپينه ماڼۍ وايي، چي جمهور رئيس بارک اوباما تراوسه پوري په افغانستان کي تر ۲۰۱۴ کال وروسته د امريکايي ځواکونو د پاتېدو د شمېر په اړه پريکړه نه ده کړې.

White House Press Secretary Jay Carney speaks during his daily briefing, Monday, Jan. 23, 2012, in the Brady Briefing Room of the White House in Washington. (Foto:Haraz N. Ghanbari/AP/dapd)

Weiße Haus Pressesprecher Jay Carney

د سپيني ماڼۍ وياند جی کارنی د دوشنبې په ورځ (۲۰۱۲ کال د نوامبر ۲۶) په واشنگټن کي خبريالانو ته وويل، چي جمهور رئيس اوباما تر ۲۰۱۴ کال وروسته په افغانستان کي د پاتېدونکو امريکايي ځواکونو د شمېر په اړه تصميم نه دئ نيولی:

«موږ په افغانستان کي د دوامداره پاتېدو له پاره د پينتاگون او نورو وړانديزونه گورو او بررسي کوو، چي له افغان حکومت سره ورباندي بحث وکړو.»

هغه زياته کړه، چي په افغانستان کي د امريکايي ځواکونو پوځي حضور په دغه هيواد کي له تروريزم سره په مبارزې او افغان ځواکونو په روزنه پوري تړلی دئ.

په پلان کي ده، چي د ۲۰۱۴ کال ترپايه پوري له افغانستان څخه ټول جنگي بهرني ځواکونه ووزي.

اوس په افغانستان کي نزدې۶۷۰۰۰ امريکايي سرتيري مېشته دي

اوس په افغانستان کي نزدې۶۷۰۰۰ امريکايي سرتيري مېشته دي

د دوشنبې په ورځ «والستريت ژورنال» د امريکا د يوه لوړپوړي چارواکي په حواله داسي راپور خپور کړ، چي متحده ايالات غواړي تر ۲۰۱۴ کال وروسته په افغانستان کي ۱۰۰۰۰ سرتيري پريږدي.

دغي ورځپاڼي د يکشنبې په ورځ(۲۰۱۲ کال د نوامبر ۲۵) د امريکا د متحده ايالاتو د يوه لوړپوړي چارواکي، چي نوم ئې نه دئ اخيستل په حواله لیکلي دي، چي دغه پلان په افغانستان کي د امريکايي جنرال جان الن له طرحي سره سرخوري.

د ورځپاڼي په خبره په افغانستان کي د بهرنيو ځواکونو عمومي قومندان جنرال جان الن له ۶۰۰۰ څخه تر ۱۵۰۰۰ امريکايي سرتيري د پاتېدو سپارښتنه کړې وه.

خو کارپوهان په دې نظر دي، چي تر ۲۰۱۴ کال وروسته وظايفو د ترسره کېدو له پاره نزدې ۳۰۰۰۰ سرتيرو ته اړيتا ده. دغه ځواکونه بايد له افراطيت سره د مبارزې له پاره افغان امنيتي ځواک و روزي.

اوس په افغانستان کي نزدې ۶۷۰۰۰ امريکايي سرتيري مېشته دي او پرهغو سربيره د ناټو۳۷۰۰۰ عسکر او ۳۳۷۰۰۰ افغان امنيتي ځواک د هيواد امنيت ساتي.

د رواني مياشتي په نیمايي کي تر ۲۰۱۴ کال وروسته په افغانستان کي د امریکا متحده ايالاتو د پوځي حضور پر سر باندي د افغان او امريکايي چارواکو ترمنځ خبري اتري پيل سوې.

انترفکس/ نجيب الله زيارمل
کتونکی: عبدالباري حکيم