1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د عبدالله تویتر حساب لا تراوسه پورې هم هک دی

د افغانستان د اجراییه وي رییس عبدالله عبدالله، د تویتر پاڼه د «ارواح هکرانو ډلې» له خوا هک شوې ده. د هغه په پاڼه کې د روشنایي خوځښت په تړاو مطلبونه خپاره شوي دی.

هکرانو د ډاکټر عبدالله عبدالله، په تویتر پاڼه کې دا پیغام لیکلی وو: «زه پر سوله ییزې غلامۍ، له خطره ډکه آزادي غوره ګڼم.» له دغه تویتري پیغام سره د روشنايي هشتګونه هم راغلي وو.

دغه تویتري پیغام په افغانستان کې د روشنايي خوځښت غوښتنو ته اشاره کوي چې له افغان حکومت څخه د بامیان – وردک له لارې د بریښنا د یوې پروژې تیرولو غوښتنه لري.

د «ارواح هکرانو ډلې» په خپل تویتر پاڼه کې د عبدالله عبدالله د حساب د هکولو پړه ومنله او له هغه یې دا پوښتنه وکړه: «ایا اوس زما غږ اورې؟»

د عبدالله عبدالله ویاند جاوید فیصل، دغه خبر تایید کړی دی او له خلکو یې غوښتي دي چې هغه څه چې پر دغه پاڼه خپریږي له پامه وغورځوي. لا تر اوسه پورې هم د عبدالله عبدالله د تویتر پر پاڼه باندې د هکرانو انځور او لوګو موجود ده.

نور مطالب دلته ولولئ:

DW.COM