1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د طالبانو لخوا کندوز ته ګمارل سوی والي وژل سوی دی

د المان خبري آژانسdpa د کندوز د والي له خولې لکي چي تيره ورځ په کندوز کي د طالبانو د راتلونکي احتمالي حکومت ګمارل سوی والي ملا يارمحمد وژل سوی او اته تنه طالبان حکومت ته تسليم سوي دي...

په کندوز کي نيول سوي طالب جنګيالي

په کندوز کي نيول سوي طالب جنګيالي

په کندوزکي نړيوال سوله ساتي ځواکISAF هم ويلي دي، چي د يو ځانګړي هوايي بريد په ترڅ کي د طالبانو يو لوړ پوړی قوماندان او له ده سره دوه کسه دده سلاکاران، چي په يوه موټر کي سپاره ول، وژل سوي.

ددغه لوړ پولي قوماندان د هويت په اړه ISAF څه ندي ويلي. خو د کندوز د والي محمد عمر د وينا له مخه، د قوماندان ملا يارمحمد تر څنګ، څلور کسه نور مقاومت کونکي هم د د کندوز په شمال 30 کيلومترۍ کي د آرچي په سيمه کي د يو هوايي بريد په اثر وژل سوي.

د کندوز د والي په خبره ملا يارمحمد اصلاً د هلمند دی خو په همدې نژدې وختونو کي هغه د طالبانو د جرګې له خوا د کندوز د والي په نامه ګمارل سوی و.

په خبر کي ويل سوي دي، په کندوز کي د طالبانو وژل سوی قوماندان د کندوز ولايت په ډيروعملياتو کي ونډه درلوده. د هغه دنده داوه، چي په کندوز کي د طالبانو د عملياتو موخي ، تاکتيک او ستراتيژي وټاکي سلاوي وويشي او د هغه عملياتو قومانده په غاړه واخلي، چي په کندوز کي د ISAF او افغان امنيتي ځواکونوپر ضد کيږي.

طالبانو د خپلو عملياتو د پرمخ بيولو دپاره ځانګړي تشکيلات لري، او په دغه تشکيلاتو کي دوی د افغانستان د34 ولايتونو دپاره دپردې تر شا واليان ګمارلي، چي ددوی په اصطلا ګمارل سوي واليان په تيره بيا د افغانستان په ځينو جنوبي سيمو کي ډير فعال دي.

همداشان طالبان د افغانستان په ډيرو سيمو کي ځانګړي محاکم او قضات لري، چي په دغه محاکموکي کټ مټ اسلامي شريعت چليږي.

په کندوز کي د طالبانو پخوانی ګمارل سوی والي ملا عبدالسلام او په بغلان کي ملا مير محمد و، چي د واړه د همدې روان ميلادي کال د فبرورۍ په مياشت کي د پاکستان د امنيتي ځواکونو له خوا نيول سوي.

د طالبانو دغه دوه تنه قوماندانان په پاکستان کي وروسته تر هغه ونيول سول، چي د پاکستان استخباراتو ملا عبدالغني برادر د هغه هيواد د کراچي په ښار کي و نيوی.

dpa/ ضياالحق فضلي

کتونکی. زيارمل