1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

«د شمالي کوریا مرستیال لومړی وزیر اعدام شوی»

جنوبي کوریا ویلي دي چې د شمالي کوریا رژیم مرستیال لومړی وزیر اعدام کړی دی. سمیه ایزو رسنیو خبر ورکړی دی چې د شمالي کوریا په پلازمېنه کې دوه لوړ پوړي حکومتي چارواکي په مرمیو وشتل شوي او وژل شوي دي.

د جنوبي کوریا د معلوماتو پر اساس د شمالي کوریا واکمن کيم جونگ اون مرستیال لومړی وزیر کيم یونګ جن، اعدام کړی دی. په سیول کې د فاع وزارت یوه ویاند وویل چې د ښووني او روزني د برخي مسئول کيم یونګ جن، په جولای میاشت کې په ډزو وژل شوی دی.

د جنوبي کوریا د یونهاب خبري آژانس په حواله نوموړی ۶۳ «په انقلاب ضد چلند» تورن شوی وو. ویل شوي دي چې نوموړی په یوه رسمي غونډه کې لکه یو عسکر نه وو دریدلی.

د شمالي کوریا حکومت تر اوسه د نوموړي د اعدام خبر نه دی تائيد کړی.

تر «اعدام» وروسته ژوندی لیدل شوی

د جنوبي کوریا د استخباراتي ادارو په حواله په۲۰۱۱م کال کې د کيم جونګ اون، واک ته تر رسیدو وروسته ډېر لوړپوړي چارواکي د سیاسي «تصفیې» قرباني شوي دي.

د ۲۰۱۳م کال په پای کې کيم د خپلې کورنۍ یو غړی یانګ سونک تایک، د خیانت په تور اعدام کړ. همدا پرون، سه شنبه رسنیو رپوټونه ورکړي چې په روانه میاشت کې ښايي دوه لوړ پوړو چارواکو کيم جونګ اون ته د بې احترامۍ کولو له امله خپل سرونه بایللي وي.

خو کله کله د جنوبي کوریا له خوا په شمالي کوریا کې د لوړ پوړو چارواکو د اعدام په اړه ورکړل شوي خبرونه د وخت په تیریدو سره ناسم ثابتیږي. یو مثال یې د پوځ پخوانې مشر ري یونګ ګِل، چې احتمالا په فیبرورۍ میاشت کې اعدام شوی وو، دی درې میاشتې ورووسته روغ رمټ ولیدل شو.

DW.COM