1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د شانګهای همکاریو سازمان د افغانستان په اړه بحث کوي

د شانګهای همکاریو سازمان (SCO) ویلي دي چې په افغانستان کې به د «ډیر حساس وضعیت» په اړه خبرې وکړي. دغه سازمان چې چین او روسیه یې مشري پر غاړه لري، به په راتلونکې اوونۍ کې په ازبکستان کې غونډه وکړي.

default

په ۲۰۱۵ کال کې د شانګهای د غړو هیوادونو غونډه

د کرملین مرستیال یوري یوشاکوف، د چهارشنبې په ورځ له خبریالانو سره په خبرو کې وویل چې اوس شاوخوا ۶۰۰۰۰ یاغیان په افغانستان کې په جګړه بوخت دي، چې له ډلې څخه یې ۱۰۰۰۰ د اسلامي دولت ترهګرې ډلې تر بیرغ لاندې جګړه کوي.

د امنیت او همکاري سازمان چې د پخواني شوروي غړي هیوادونه لکه قزاقستان، قرغزستان، تاجیکستان او اوزبکستان یې هم بشپړ غړیتوب لري، ښایي ایران د خپل اووم غړي په توګه ومني.

یوشاکوف ویلي دي: «زموږ موقف روښانه دی: ایران د غړيتوب له پاره خپله غوښتنه د ۲۰۰۸ کال په اپریل میاشت کې استولې ده. اوس پر ایران باندې لګیدلي نړیوال بندیزونه له منځه تللي دي نو له دې کبله روسیه فکر کوي چې د ایران د نه منلو له پاره هیڅ کوم دلیل شتون نه لري.»

دغه روسي چارواکي همداراز روښانه کړې ده چې پاکستان او هندوستان به د شانګهای همکاریو سازمان بشپړ غړیتوب د دې سازمان په راتلونکې غونډه کې چې په ۲۰۱۷ کال کې په قزاقستان کې ترسره کیږي، ترلاسه کړي.

DW.COM