1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

«د سوریې جنایتونه باید نړیوالي محکمې ته راجع شي»

د بخښني نړیوال سازمان د پنجشنبې په ورځ وویل چې د ملگرو ملتو د امنیت شورا باید په سوریه کې د جگړې د دواړو اړخونو له خوا تر سره شوي جنایتونو د نړیوالي جنایي محکمې ته راجع کړي.

Vehicles burn after an explosion at central Damascus February 21, 2013, in this handout photograph released by Syria's national news agency SANA. The big explosion shook the central Damascus district of Mazraa on Thursday, residents said, and Syrian state media blamed what it said was a suicide bombing on terrorists battling President Bashar al-Assad. Syrian television broadcast footage of at least four bodies strewn along a main street and firefighters dousing the charred remains of dozens of burning vehicles. Black smoke billowed into the sky. REUTERS/Sana (SYRIA - Tags: CONFLICT POLITICS TPX IMAGES OF THE DAY) ATTENTION EDITORS - THIS PICTURE WAS PROVIDED BY A THIRD PARTY. REUTERS IS UNABLE TO INDEPENDENTLY VERIFY THE AUTHENTICITY, CONTENT, LOCATION OR DATE OF THIS IMAGE. FOR EDITORIAL USE ONLY. NOT FOR SALE FOR MARKETING OR ADVERTISING CAMPAIGNS. THIS PICTURE IS DISTRIBUTED EXACTLY AS RECEIVED BY REUTERS, AS A SERVICE TO CLIENTS

Anschläge in Syrien Damaskus am 21. Feburar 2013

د منځني ختیځ او شمالي افریقا له پاره د بخښني د نړیوال سازمان مرستیال ان هریسن، وویل: «څومره نور کسان باید ووژل شي چې د امنیت شورا د سوریې دغه وضعیت نړیوالي جنایي محکمې ته راجع کړي ترڅو د دغه شان لویو جنایتونو له پاره حساب ورکونه رامنځ ته شي.»

د بخښني نړیوال سازمان تر دې دمخه هم څو واري د سوریې د جنگ پر دواړو اړخونو باندي د جنگي جنایتونو او نورو سرغړونو تورونه لگولي دي.

هاریسون په یوه وینا پاڼه کې ویلي دي: «په داسې حال کې چې د تاوتریخوالي ډیره برخه د دولتي ځواکونو له خوا تر سره کیږي، زموږ څیړني همداراز ښيي چې د وسله والو مخالفینو له خوا د تاوتریخوالي د ترسره کولو په پېښو کې زیاتوالی راغلی دی.»

دغه چارواکي زیاته کړې ده چې که په سوريه کې د ترسره کیدونکو جنایتونو پر وړاندي په عمل لاس پورې نه شي، نو د دې امکان چې د هغوی کچه لا پسې لوړه شي هم شته.

د بخښنې نړیوال سازمان ویلي دي چې داسي اسناد یې په لاس راوړي دي چې ښیې د سوریې رژیم د ملکي وگړو پر وړاندي له داسې وسلو څخه کار اخلي چې د نړیوالو قوانینو له خوا د هغوی استعمال منع شوی دی. دې سازمان همداراز زیاته کړې ده چې د ربړوني، سرتیرو له خوا وژنو او د پاڅون کوونکو له خوا د دولتي او ملکي ځواکونو د برمته کولو په اړه یې شواهد ترلاسه کړي دي.

د بخښنې نړیوال سازمان همداراز د سوریې د رژیم له خوا د توغندیو کارونه هم څیړلي دي. دې سازمان ویلي دي: «په سوو کسان د دغه شان بریدونو په پایله کې وژل شوي دي. دغه شان بریدونو په ځینو وختونو کې بشپړې کورنۍ له منځه وړي دي.»

د پخښني نړیوال سازمان په خپل یوه رپوټ کې د یوې سوریایي ښځې کیسه هم راوستي ده چې د یوه توغندي په برید کې یې خپلې درې لوڼي، مېړه، مور، خور او دوه تنه خوریان له لاسه ورکړي دي.

د سوریې په دوه کلنه جگړه کې تر اوسه پورې له ۷۰۰۰۰ څخه ډیر کسان وژل شوي دي. اوسني وضعیت ته په کتو سره ډیر شمیر کارپوهان په دې نظر دي چې دغه کړکیچ ښايي په لنډ وخت کې پای ته ونه رسیږي.