1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د سوريې په الېپو او دمشق کي جگړه روانه ده

په سوريه کي د حکومتي ځواکونو او ياغيانو تر منځ نښتي دوام لري. د راپورونو له مخي دغه نښتي اوس لوی ښار الېپو ته غځېدلي دي. د ياغيانو په وينا اوسنۍ نښتي د تيرو ټولو نښتو په پرتله زياتي سختي دي. د هيواد په پلازمېنه دمشق کي هم جگړه راوانه ده.

ياغيانو ادعا کړې ده چي د عراق پر پوله پرته د سوريې دويمه مهمه سرحدي امنيتي پوسته ئې تر خپلې ولکې لاندي راوستې ده. په عيني حال کي ترکيې سوريې ته خپله پوله بنده کړې ده. د اړونده ترکي ولايت والي ويلي دي چي پوله ئې د هغه وروسته بنده کړه چي د ترکيې سره تړاو درلودونکي ۳۰ لارۍ د سوريې د ياغي سوي عسکرو لخوا ولټول سوې. عراق هم پر دې غور کوي چي سوريې ته خپله پوله وتړي تر څو د مهاجرو د ورتگ شمېر کنټرول کړل سي