1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانګړې پاڼه

د سوريې رژيم پر ضد د اقدام کولو غوښتنه

د عرب لیگ غړو هیوادونو په پریکړه لیک کي پر نړیوالې ټولنې باندي غږ شوی دی چې د سوریې د رژیم پر وړاندې «لازم اقدامات» وکړي. دغه پریکړه لیک په سوريه کې د زهرجن گاز تر احتمالي استعمال وروسته خپور شوی دی.

Arab foreign ministers arrive and welcome with each other to an emergency meeting to discuss the Syrian crisis and the potential military strike on President Bashar al-Assad's regime, at the Arab League headquarters in Cairo, September 1, 2013. Arab states on Sunday urged the international community to take action against the Syrian government over a chemical gas attack that killed hundreds of civilians. REUTERS/Amr Abdallah Dalsh (EGYPT - Tags: POLITICS CIVIL UNREST), eingestellt von haz

Arabische Liga - Syrien

د عرب لیگ د بهرنیو چارو وزیران د یکشنبې په ورځ په قاهره کې پر یوې پریکړي باندې موافقه وگړه چې پکې له ملگرو ملتونو او نړیوالې ټولنې څخه غوښتل شوي دي چې «په سوريه کې د دغه هیواد د رژیم له خوا د ترسره شویو جنایتونو پر وړاندې لازم اقدامات وکړي.» په دغه بیانیه کې په واضیح ډول پر سوریې باندې د یوه بهرني پوځي برید غوښتنه نه ده شوې.

د عرب لیگ د بهرنیو چارو د وزیرانو له خوا په خپره شوې بیانیه کې راغلي دي چې د سوریې د بریدونو مسوولین باید د جنگي مجرمینو په توگه په نړیوالو محکمو کي محاکمه شي. په دغه پریکړه لیک کې د روان کال د اگست میاشت په ۲۱ نیټه دمشق ته نژدې د کیمیاوي وسلو دوو احتمالي بریدونو ته هم اشاره شوې وه. د عرب لیګ د بهرنیو چارو وزیرانو ټینګار وکړ چې د دغو بریدونو یوازې غندل کافي نه دي.

د سعود عربستان د بهرنیو چارو وزیر سعود الفيصل بن عبد العزيز آل سعو، په دې اړه وویل: «که د یوه نړیوال اقدام مخه ونیوله شي نو دا به یوازې دمشق دې ته وهڅوي چې په راتلونکې کې د عام وژني د سلاحو له کارولو سره خپلو جنایتونو ته دوام ورکړي.»

داسې اټکل کیږي چې امریکا متحده ایالات د اسد رژیم پر وړاندې د یوه پوځي محدود برید له پاره چمتوالی نیسي. د دغه هیواد ولسمشر بارک اوباما، په دې اړه وروستی پریکړه د خپل هیواد پارلمان ته استولې ده. په دې ترتیب سره ښايي په قوي احتمال د امریکا ګانګریس پر سوریې باندې د یوه امریکايي برید په اړه تر خپلو رخصتیو وروسته د سپتمبر میاشتې پر نهمه نیټه وکړي.

تر دې مخکې د امریکا متحده ایالاتو د بهرنیو چارو وزیر جان کیري، ویلي ول چې د اګست میاشتې د ۲۱ نیټه د برید په اړه له سیمه څخه ترلاسه شوي شواهد د زهرجن ګار استعمال اثباتوي.

په عرب لیک کې د پریکړه لیک پر ضد لږ مخالفت

عرب لیګ په ټولیز ډول د اسد پر رژیم باندې نیوکې کوي. خو ځینو هیوادونو بیا هم د دغه لیګ د یکشنبې ورځې د اعلامیې ملاتړ و نه کړ. په دغو هیوادونو کې لیبنان، عراق او الجزایر شامل ول. خو په خپله د سوریې رژیم له دغه لیګ څخه په دې هیواد کې د ۲۰۱۱ کال تر نا آرامیو وروسته ایستل شوی دی.

د عرب لیګ د وروستۍ غونډې کوربه هیواد مصر، بیا د دغه پریکړه لیک مخالفت ونه کړه. دا په داسې حالې کې ده چې د مصر اوسنی موقت حکومت په سوريه کې د بهرنۍ پوځي مداخلي مخالفت کوي.

د سوریې د پاڅونکوونکو د ملي ایتلاف مشر احمد العاصي الجربا، د عرب لیک د بهرنیو چارو د وزیرانو غونډي ته وویل: «زه نن ستاسو مخ ته ولاړ یم او د قوي او موثر ملاتړ غوښتنه کوم چې تاسو د [سوریې] د رژیم د وژونکي ماشین، ترهگرۍ او د خلکو د وژنې پر ضد د یوه پوځي برید ملاتړ وکړئ.»