1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د دوحې د اقليم ساتنې کنفرانس شايد ناکامه شي

په دوحه کي د ملګرو ملتونو د اقليم ساتني د کنفرانس خبري د ناکامۍ له گواښ سره مخامخ دي. د راپورونو په حواله د کنفرانس تر وروستۍ ورځي پوري د چاپيريال ساتني د یوه تړون په باب یووالی نه وو رامنځته سوی، نو دغه کنفرانس باید تمدید سوی وای.

د اختلاف مهمه موضوع د پرمختیایی هيوادنو سره هغه مالي مرستي دي، تر څو دغه هيوادونه هم وکولای سي د مځکي د کرې د ګرمیدو د مخنیوي په لار کي خپل سهم ادا کړي. سربېره پر دې د کنفرانس استازي تر ۲۰۲۰م کال پوري د «کيوټو د تړون» د تمدید په اړه سره هم اختلاف لري. دغه پروتوکول، غړي هيوادونه د کاربن ډای اکسايد د لا کمیدو په باب باندي مکلف کوي.

په دوحه کي تر اوسه پوري یوازي پر دې باندي موافقه رامنځته سوې ده چي د اقليم ساتني بل کنفرانس به د ۲۰۱۳م کال د نومبر په میاشت کې په پولنډ کې جوړیږي.