1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د جوهر قضیه به د امریکا په ملکي محکمه کې وڅیړل شي

سپینې ماڼۍ ویلي دي چې د بوستن په ډله ییزه ځغاسته کې تورن کس جوهر څارنایف، به د امریکا په جنایي قضایي سیستم کې محاکمه شي. جوهر د عام وژني وسلې په کارولو تورن دی او کیدای شي چې ورته د مرگ سزا واورول شي.

HANDOUT - Das Handout des FBI zeigt einen der beiden mutmaßlichen Bombenleger vom Boston Marathon. Dabei soll es sich um den Flüchtigen handeln. Vier Tage nach dem Terroranschlag auf den Boston-Marathon ist am 19.04.2013 einer der beiden mutmaßlichen Bombenleger nach einer wilden Verfolgungsjagd getötet worden. Die Suche nach einem weiteren flüchtigen Verdächtigen lief am Freitag in der Umgebung der Ostküstenmetropole auf Hochtouren. Foto: FBI / HANDOUT dpa (Qualitätswiederholung)

Dschochar Zarnajew Anschläge Boston Marathon Watertown

د بوستن په ډله ییزه ځغاسته کې تر دوو پرله پسې چاودنو یوه اوونۍ وروسته، امریکايي چارواکو په دې پېښه کې پر جوهر څارنایف باندې د ډله ییزو وسلو د کارولو تور لگولی دی. له دې سره نو جوهر څارنایف ته د مرگ سزا هم اورول کیدای شي. د بوستن په بمي چاودنو کې درو کسانو خپل ژوند له لاسه ورکړ او له ۱۸۰ څخه ډیر نور ټپیان شول.

سپینې ماڼۍ ویلي دي چې جوهر به د امریکا په جنایي قضايي سیستم کې محاکمه شي. د سپینې ماڼې ویاند جې کارني په دې اړه ویلي دي: «له هغه سره به د جگړې د یوه بندي په توگه جلند و نه شي. موږ به دغه ترهگر په خپل ملکي قضایي سیستم کې محاکمه کړو. د قانون له مخې، امریکايي وگړي په پوڅي کمېسیونونو کې محاکمه کیدای نه شي.»

که څارنایف د جگړې د یوه بندي په توگه محاکمه شوی وای، نو څیړونکو به د هغه د محاکمه کولو پر مهال لا ډیر امکانات لرلي وای.

څارنایف اوس په روغتون کې دی. قاضیانو دغه شکمن وگړي ته په روغتون کې پر هغه باندي لگیدلي تورونه واورول.

۱۹ کلن څارنایف اوس د هغه پر ستوني باندي د راوارد شویو ټپونو له کبله خبرې نه شي کولای. هغه په اصل کې چیچینايي دی، خو په وروستیو کلونو کې یې د متحده ایالاتو تابعیت اخیستی وو.

د جوهر څارنایف مشر ورور ۲۶ کلن تاميرلن څارنایف، تیره اوونۍ له پولیسو سره په نښته کې ووژل شو. پر دغو دواړو ورونو باندي د بوستن په ډله ییزې ځغاسته کې د بمونو د ایښودلو تورونه لگول کیږي.

DW.COM