«د جنګل کمپ په سونو مهاجر به آلمان ته ستانه شي» | اروپا ته مهاجرت | DW | 25.10.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

«د جنګل کمپ په سونو مهاجر به آلمان ته ستانه شي»

د آلمان له پاره د کډوالو اداره(Bamf) د فرانسې په کالې سیمه کې د کډوالو د «ځنګل کمپ» تر تړل کیدو وروسته آلمان ته د سونو مهاجرو پر راتګ حساب کوي.

د "Rheinische Post"  آلمانۍ ورځپاڼې د خپلې سه شنبې ورځې په ګڼه کې د آلماني چارواکو د محفلونو په حواله رپوټ ورکړی دی چې په راتلونکو اونیو کې به له فرانسې څخه په سونو مهاجر آلمان ته ستانه شي.

د دغو چارواکو په حواله دا هغه کډوال دي چې په آلمان کې تر راجستر کیدو او یا هم په دغه هیواد کې د پناه غوښتني تر وړاندي کولو وروسته فرانسې تللي دي.

په همدې اساس کیدای شي فرانسه له آلمان څخه وغواړي چې دغه کډوال بیرته ومني. د دوبلین تړون له مخې یو مهاجر چې په لومړي سر کې په هر اروپایې هیواد کې راجستر شوی وي باید په هم هغه هیواد کې د پناه غوښتنه وکړي.

داسې اوریدل کیږي چې آلماني چارواکي فکر کوي چې د فرانسیانو دغه هڅه چې نوموړي مهاجر بیرته آلمان ته را ولیږي حقیقت پيدا کړي، خو هغو دا هم ويلي دي چې مهاجر حق لري آلمان ته د بیرته استولو پر ضد په یوه فرانسوۍ محاکمه کې دعوای وکړي.

د دوشنبې په ورځ د یوه قوي امنیتي ځواک په مرسته د فرانسې په کالې سیمه کې د مهاجرو غير قانوني کمپ (ځنګل کمپ) د تخلیه کولو کار پيل شو.

د فرانسوي چارواکو په حواله په لومړي سر کې تر۲۳۰۰ مهاجر له دغه کمپ څخه ووتل، چې یوه لویه برخه یې د بسونو په وسیله په فرانسه کې د مهاجرو نورو کمپونو ته انتقال کړل شول.

اروپا ته مهاجرت

DW.COM