1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د جمهوري رياست ترانتخاباتودمخه امنيتي وضع څه ډول ده

تر يوې مياشتي په لږ وخت کښي په افغانستان کښي د جمهوري رياست دپاره انتخابات تر سره کيږي ،خو په دغه هيواد کښي وضع تر پخوا ډيره خرابه سوې ده ...

په افغانستان کښي يو وسله وال امريکايي عسکر

په افغانستان کښي يو وسله وال امريکايي عسکر

په تيرو اونيو کښي د تندلارو طالبانو حملې ډيري سوي دي ، او د جولای مياشت د خارجي قواوو دپاره تر ټولو خونړۍ مياشت وه ،چه د طالبانو د سقوط راهيسي يې سارﺉ ندی ليدل سوی .

کارپوهان بيره لري چه طالبان به يووار بيا د 29 د اسد انتخابات پلمه کي ،تر څو ددموکراتيک جوړښت رديدل وښيي . ډير ملکي کسان اوس په بيره کښي دي ،او په همدې دليل کيدای سي ،ډيری په انتخاباتو کښي برخه وانه خلي .

د امريکايي بحري قواوو جنرال ګريګ شميت وايي چه « ياغيان به د انتخاباتو څخه د يوې وسيلې په حيث کار واخلي ،تر څو خپله عقيده ښکاره کي . دوی نه غواړي حکومت کاميابه وي ،او نه غواړي چه خلګ اصلأ د انتخابولو حق ولري . »

پوليس او امنيتي قواوي به په افغانستان کښي ټول لازم اقدامات تر سره کي ،تر څو چه د انتخاباتو په ورځ په هيواد کښي امنيت وساتي .

په افغانستان کښي د خارجي قواوو تطبيقات

په افغانستان کښي د خارجي قواوو تطبيقات

خو نور بيا بدبينه دي : مثلأ په کابل کښي د افغانستان د علم او سياست د مرکز څخه مير هارون وايي چه، « په هيواد کښي 7000انتخاباتي حوضې موجودي دي ،او زه ګمان کوم چه نه افغاني حکومت او نه هم بين امللي قواوي پوره پسونل لري ،په هر ځای کښي امنيت وساتي . د افغانستان په جنوب او شرق کښي بې حده ډير امنيتی مشکلات موجود دي . »

په پکتيا او يا جلال آباد کښي حملو او بريدونو ښکاره کړل ،چه طالبان او يا بين امللي ترهګري شبکه القاعده غواړي ، انتخابات د خنډونو سره مخامخ سي .

په تيرو اونيو کښي پر حکومتي ودانيو باندي د بريدونو له کبله ډير پوليس او عسکر ووژل سول .

د icasualties د بې طرفه انټرنيټ پاڼي د معلوماتو پر اساس يوازي د جولای په مياشت کښي په افغانستان کښي تر اوسه پوري په جنګونو کښي 67 خارجي عسکر وژل سوي دي ،دا هم پداسي حال کښي چه هلته اوس د خارجي عسکرو تعداد 90000 ته رسيدلی دی ،او ورځ په ورځ نور هم ډيريږي ، تر څو د انتخاباتو امنيت ونيسي .

حکومت بيره لري چه حتی تر اوسه په آرامو ځايو کښي به هم د انتخاباتو پر وخت بې امنيتۍ رامنځته سي .

د ملکيانو پر څنګ پخپله د سياستمدارانو امنيت هم د خطر سره مخامخ دی . د اوسني جمهوررييس حامد کرزي پر راتلونکي مرستيال باندي حمله وسول ،چه ژوندی ځيني پاته سو . او همدارنګه د عبدالله عبدالله د انتخاباتي مبارزې د ټيم پر مشر باندي حمله وسول،چه پخپله زخمي او موټروان يې ووژل سو .

د بلي خوا بيا د افغانستان دپاره دملګرو ملتو خاص استازي کای آيده پر طالبانو ږغ کړی دی ،چه د انتخاباتو خنډ ونه ګرزي .

afp /

کتونکی : محمد قاسم نوري