1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د جرمني پخوانی جمهور رئيس رومان هرتسوگ ومړ

د جرمني پخوانی جمهور رئيس رومان هرتسوگ ومړ. د جرمني د جمهوري رياست دفتر خبر ورکړی دی چي هرتسوگ، د سه شنبې په شپه په ۸۲ کلنی کي وفات سو.

د جرمني جمهور رئيس يواخيم گاوک د هرتسوگ مېرمني الکساندرا ته تسليت ويلی دئ. گاوک هغه يو «برجسته شخص» بللی دئ چي په ټولنه کي د يوځای ژوند کولو له پاره ئې تلاښونه کړي دي.

رومان هرتسوگ له ۱۹۹۴م څخه تر ۱۹۹۹م کاله پوري د جرمني جمهور رئيس وو.

دغه سياستوال او حقوقپوه چي د بايرن ايالت په لندشوت ښار کي زېږېدلی وو، مخکي تر دې چي د جرمني جمهور رئيس سي، د دغه هيواد په بادن ووتمبرگ ايالت کي د فرهنگ او کورنيو چارو وزير هم وو.

هغه دغه راز د جرمني د اساسي قانون محکمې د مرستيال او وروسته د رئيس په توگه هم کار کړی وو.

هرتسوگ په ۱۹۷۰م کال کي د جرمني مسيحي ديموکرات اتحاد غړی سو او درې کاله وروسته بيا يو فعال سياستوال سو.