1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

د تیموشینکو روغتیايي وضعه ښه نه ده

د اوکراین د پخوانۍ لومړۍ وزیرې یولیا تیموشینکو، لور ویلي دي چې د دې سیاستوالي وضعیت چې د نه خوړولو په اعتصاب ئې لاس پورې کړی دئ لا پسې بدتره شوې ده. جیوګینیا تیموشنکو په پراګ کې وویل چې مور ئې د نه خوراک له امله نوره هم کمروزې شوې ده او سخت دردونه ورته پیدا شوي دي.

یولیا تیموشینکو پخپل هیواد کې د اووه کالو بند په سزا محکومه شوې ده او په بند کې ورسره له ناوړه چلند څخه سر تکوي. له همدې امله نوموړې تیره اوونۍ د نه خوړولو په اعتصاب لاس پورې کړ.

د یولیا تیموشینکو قضېې د اوکراین او اروپايي ټولنې ترمنځ اړیکي خړې پړې کړي دي.