1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

د «توتاپ» مسیر تغیر پر ضد کابل کي احتجاج

د «توتاپ» مسیر د تغیرولو په اعتراض په کابل کې لوی لاریون پر لار اچول شوی. احتجاج کوونکو غوښتنه کوله چي دغه مسير دي تر باميان ولايت تېر سي.

افغان حکومت د دوشنبې په ورځ (د ۲۰۱۶ کال د می ۱۶مه) په کابل کې د هزاره ګانو د مظاهرو د مخه د ارګ شا و خوا حصار رامنځته کړی. مظاهره کونکي غوښتنه کوي چې د ترکمنستان د بریښنا مزې دي د بامیان ـ وردک له لارې تیر شي.
د اسوشیتد پریس د خبري آژانس د رپوټ له مخې د دوشنبې پر سهار په زرګونو هرازه ګان د کابل په لویدیځ کې سره راټول شوي تر څو له دغه ځای څخه د ارګ پر لور مارش وکړي.
پولیسو د شپې په اوږدو کې د ارګ او د کابل د تجارتي مرکز ګرد چاپیره کانتیرونه او کانکریتي دیوالونه جوړ کړي او د موټرو تګ راتګ یې بند کړې دی.
همدا زار څلور لارې او ځیني مهم سړکونه او ډيري دوکانونه تړل شوي او د کابل عادي ګڼه ګوڼه نه ترسترګو کیږي. په ټول ښار کې پولیس ځای پر ځای شوي او په ځینو ځایونو کې د پولیسو موقتي پوستې هم جوړې شوي.
د ارګ شاوخوا سيمو سخت امنيت نيول سوی دی

د ارګ شاوخوا سيمو سخت امنيت نيول سوی دی

امنیتي چارواکو مظاهره کونکو ته ویلي چې مارش باید پر داسې لارو ترسره شي چې ارګ ته یې سر ونه ووزي. دا تصمیم ظاهرً د نومبر میاشتې په څير د زور زیاتي د مخنیوي په موخه نیول شوی. د نومبر په مظاهره کې ارګ ته نزدې تاوتریخوالې رامنځته شوې وو.
د مظاهرو یو تن تنظیمونکي داود ناجي وویل چې احتجاج کونکي د بامیانو له لارې د بریښنا د مزي د تیریدو غوښتنه کوي.
د «توتاب» د بریښنا د پروژې د مزي د تیریدو اصلي مسیر بامیان ـ وردک په نظر کې نیول شوې وو خو د چارواکو له خوا ویل شوي چې دغه پلان په ۲۰۱۳م کال کې د تیر حکومت له خوا دغې لارې ته تغیر ورکړل شوې او په پام کې ده چې اوس دغه مزی د سالنګ له لارې تیر شي.

اړوند مطالب