1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

د بې پيلوټه الوتکي په بريد کي ۲۱ کسان وژل سوي

د پاکستان امنيتي چارواکي وايي چي د افغانستان سره په سرحد کي د امريکا د متحده ايالاتو د بې پيلوټه الوتکو په بريد د چهارشنبې په ورځ ۲۰ تنه هغه افغان جنگيالي وژل سوي، چي د القاعدې سره تړلې حقاني شبکې پوري مربوط ول.

default

دغه دوه بريدونه ميران شاه ته څيرمه پر يوې نقليه وسيلې او يو پټنځای سوی دی. په لومړي سر کي د پاکستان امنيتي چارواکو د ۷ کسانو د وژل کيدو خبر ورکړی و.

په پيښور کي يو امنيتي چارواکي فرانس پريس خبري آژانس ته ويلي، چي: « وژل سوې کسان په حقاني شبکې پوري اړه لري.»

پيښه پر ځایی وخت د شپې پر ۲ بجې رامنځته سوې ده. واشنگټن د پاکستان قبايلي سیمه په نړۍ کي د القاعدې شبکې مرکز بللی او کله نا کله پر دې سيمه باندي د بې پيلوټه الوتکو بريدونه تر سره کيږي.

د پيښي په اړه امريکايي چارواکو تر اوسه پوري څه نه دي ويلي.

واشنگټن د تروريز په وړاندي مبارزه کي د بې پيلوټه الوتکو ماموريت ډير گټمن بولي.

د حقاني شبکه چي ويل کيږي د افغانستان په ختيځ کي د امريکا سرسخت دښمن دی د جلال الدين حقاني لخوا تاسيس سوې او اوس د هغه د زوی، سراج حقاني لخوا رهبري کيږي.

واشنگټن څو واري د پاکستان څخه غوښتي چي د هغه هيواد په قبايلي سيمه کي د حقابي شبکې پر ضد پوځي عمليات تر سره کړي.

خو پاکستان تر اوسه پوري د امريکا دې غوښتنو ته جواب نه دی ويلي.

وروسته له هغه چي اسلام اباد ته څيرمه د القاعده شبکې مشر اسامه بن لادن ووژل سو د پاکستان او امريکا اړيکي سختي زيانمني سوې.

امريکا پر پاکستان باندي په ملياردو ډالره پوځي مرستي وځنډولې او پاکستان بيا په خپله خاوره کي د امريکا د بې پيلوټه الوتکو د يو تم ځای د تړلو خبر ورکړی.

آژانسونه/ نجيب الله زيارمل

کتونکی: عبدالباري حکيم

DW.COM

اړوند مطالب